الام الثدى
موضوع مهم جدا وبيعمل قلق لناس كتير والناس عندها حق تقلق طبعا علشان نطمنك بنقولك ان مش شرط كل وجع فصدرك يبقي مرض خبيث احيانا بيكون التهاب او غيره او حتى ورم حميد مفيش منه خوف أو قلق
ولكن٠٠٠٠٠
لما يكون في الام واوجاع او عدم ارتياح فالثدي لازم لازم نستبعد وجود امراض خبيثه بعدها ناخد نفس ونقول الحمد لله
طيب ولو لا قدر الله طلع فعلا ورم خبيث او بدايات نحمد ربنا بردو ونعرف معلومه مهمه ان كل ما بنتدخل بدرى في علاج اورام الثدى بيكون نسبة الشفاء عاليه جدا بفضل ربنا
بنقول الكلام دا ليه؟
علشان الناس المتعوده تهمل في نفسها وتضغط علي روحها ومتروحش تكشف الا بعد فوات الاوان بنعملها جهاز انذار وبنقول خدو بالكم هنا مفيش تطنيش ولا تاجيل
طيب ايه الاسباب اللي ممكن تعمل وجع فالثدي ومشهوره ومفيش منها خوف أو قلق
اشهر سبب قبل البريود بسبب الاحتقان وزياده الهرمونات
واثناء الحمل ودى اسباب فسيولوجيه يعنى بتحصل عادى لكل الناس ومفيش خوف أو قلق
طيب هعرف ازاى انه مش حاجه وحشه؟؟؟ هقولك هو بيتميز انه دورى قبل البريود ما تقرب تحسي ان صدرك تقيل ووممكن بعضكم بيقول مزند وفي شعور بعدم الراحه وكل دا بيزول بعد بريود وبيتكرر بنفس الطريقه الشهر اللي بعده
سبب فسيولوجى و لكنه بيزهق اللي هو ايه ؟
مرحلة ما قبل انقطاع الطمث بالبلدى قرب ما البريود هتقطع الوحده بتحس باعراض كتير هنتكلم عليها في بوست مفصل من ضمنها الوجع دا وساعتها الدكتور بيكتبلك حاجه حسب حالتك علشان تمر الفتره دى بسلام
ممارسة التمارين الرياضيه بكثره خاصة لو رياضه جديده عليكى أو من فتره مامارستيش الرياضه ورجعتلها وشدينى علي نفسك سعتها بيحصل ارهاق للاوتار والانسجه وترهل فالثدى وساعتها يحصل وجع بيكون اثناء او بعد ممارسة الرياضه ويفضل تلبسي حمالة صدر مناسبه علشان تقللي الاوجاع دى
علشان كدا رابع سبب هو ارتداء حمالات صدر بمقاس خاطئ
واعرف مقاسي ازاى؟؟؟
لو حسيتى بحاجه من دول يبقي المقاس مش مظبوط ومعظمهم بيبقي المقاس اصغر .. عشره فالميه مقاس اكبر وتسعين فالميه من الناس اللي بتلبس مقاس مش مظبوط بيكون اصغر من مقاسهم
هتحسي بايه بقي؟؟؟
عدم ارتياح
شعور بالألم
اشرطة الحماله بتتحرك ومش ثابته علي كتفك
خروج الثدى من الجوانب او الاعلي او الاسفل
الداء الليفي التكيسي للثدى
ودة ورم حميد حميد يعنى مش وحش مش مؤذى يعنى بالبلدى كلكيعه في صدرك وهتعمل وجع اه وهيزيد قبل الدوره الشهريه ويقل بعدها ودا بردو موضوع تانى ممكن نعمله بوست لوحده
ودا بقي سبب مهم جدا وهو الضغط النفسي
وهو يا دكتور الزعل والضغط ماله ومال صدرى
لا ماله ونص الزعل والضغط العصبي بيلخبطلك هرموناتك بعد كدا ييلخبط كل حاجه في جسمك فمتستهتريش بيه
اهدى وروقى ومحدش واخد منها حاجه
يعنى اعتقد دى حجات بتهدينا و خاصة الشوكليت حاجه خيال عيشي بقي
التهاب الثدى
مين اكتر وحده هتعانى من التهاب الثدى دا وهيطلع عينها
اللي بترضع
يا ترى ليه ؟
علشان الطفل ممكن يدخل من بقه ميكروب خاصة بقي اللي بترضع اول مره ومحدش فاهم نصحها دى بقي بتتبهدل وممكن تدخل في خراج
يا نهار خراج؟؟
هو الخراج دا التهاب يا دكتور؟
اه التهاب وشديد كمان وبيعمل وجع زى النقح كدا جامد وبيبقي في احمرار فالجلد وكلكيعه في صدرك وممكن تسخنى والحراره تبقي عاليه ولو معالجناهوش يحصل ايه السخونيه هتبدا تقل الالتهاب هيقلب مزمن وهتبقي حاجه وحشه جدا جدا ليه بقي بتقولي السخونيه هتقل اهو
وانت حضرتك ماخدتيش بالك من مزمن دى؟
اه مزمن يعنى حاجه وحشه جدا حاجتين ميتسكتش عليهم خراج الثدى وخراج الارداف لان تركيبهم معظمه دهون الخراج بيسرح بياكل المنطقه كلها فدا ا يتلحق بدرى متركنيش فالبيت وترجعى تقولي يريت اللي جرى ما كان
شايفين بقي السبع اسباب دول بيعملو وجع ويمكن علاجهم وحاجات بسيطه متقلقش
امال البعبع اللي هو الورم الخبيث ربنا يعافينا تخيلو مبيعملش وجع غير فاخر مرحله له
مستغرب ليه مش هو اسمه خبيث
يعنى مش هيظهر نفسه غير لما يتمكن
طيب نعمل ايه ونكتشفه بدرى ازاى؟؟
فى حاجه اسمها الفحص الذاتى للثدى تعمليه بعد كل دوره علشان اللي عندها احتقان قبل الدوره متتخضش
لو حسيتى اى كلكيعه او شئ غريب فورا تكشفي متسكتيش اطمنى وطنشي ولو لا قدر الله
Comments
Post a Comment
اكتب تعليق حول الموضوع