تحليل البول من أشهر التحاليل اللى بيطلبها الدكتور 

 طب يا ترى إيه لزمته، أو بيقيس إيه 

 البول من فضلات الجسم، واللى بيظهر فيها أي تغير نتيجة الأكل، الأدوية، التهاب أو مرض 

يعني لما يكون في تغير بنسبة كبيرة بيكون في مشكلة  

 إمتى الدكتور بيطلب تحليل البول 

 في حالات حرقان أثناء التبول، بيشك إن في التهاب، أو زيادة أملاح.

 لو في ألم في الخصيتين عند الرجال.

 لو في دم في البول.

 عايزين نطمن على الكلى.

 كمان مرضى السكر، والضغط.

 و طبعا تحليل الحمل المنزلي. 

 الأطفال من أكتر الناس اللي بنعملهم تحليل بول كل مدة عشان لو لقدر الله في أي التهابات أو مشاكل.

 تحليل المزرعة.

 وده بنعمله في حالات الالتهاب عشان نعرف المضاد الحيوي المناسب للحالة 

 لون البول:

 أصفر فاتح: ده عينة سليمة. 

 أحمر: بيكون في دم في العينة 

 وساعتها بنسأل المريض أنت أكلت بنجر، أو توت بري، أو بتأخد أدوية إيه؟ عشان بيكون ده أسباب أن لون البول يتغير للأحمر . 

 أو لو بنوته، بنتأكد أنها مش في فترة الدورة الشهرية  

 وكمان حالات جرح في المنطقة التناسلية، أو عدوى المسالك البولية أو حصوات الكلى، أو المثانة، أو تضخم البروستاتا 

 أصفر غامق: مؤشر لحالة جفاف.

حاجات بنعرفها من التحليل، زي 

 نسبة الزلال وده مؤشر إن في مشكلة في الكلى لقدر الله أو حدوث تسمم أثناء الحمل. 

 مستوى السكر.

 الكيتونات وده برضه مهمة لمريض السكر.

 خلايا الدم البيضا، وده بتكون مؤشر لعدوى، والتهاب الجهاز البولي. 

لو حسيت بأي مشكلة متترديش أنك تروح لدكتور فورًا وتعمل التحاليل اللازمة