دهون الكبد من المشاكل المرتبطة بالسكر سواء الوزن طبيعي أو زايد، وبغض النظر كمان عن السن.
عشان كدا منظمة السكر الأمريكية بتوصي بتحليل إنزيمات الكبد (ALT - AST) لمرضى السكر مرة على الأقل سنويا عشان نطمن ان الدهون مش عاملة التهابات في الكبد و رافعه الإنزيمات.
طبعا ارتفاع الإنزيمات مش سببه بس دهون الكبد فيه أسباب تانية كتير.
دهون الكبد بتظهر في السونار بتاع البطن لكن التشخيص الأكيد ليها عن طريق تحليل الأنسجة لعينة الكبد،
لأن مش معنى ان إنزيمات الكبد كويسة ان مفيش دهون في الكبد لكن ده بيطمنا على الأقل ان مفيش التهابات نتيجة الدهون دي.
أي مريض سكر (نوع أول أو نوع تاني) لازم يعمل تحليل إنزيمات الكبد مرة سنويا زي ما المفروض يعمل وظايف الكلى وتحليل دهون الدم وفحص قاع العين والزلال الدقيق في البول
طبعا تقليل الدهون في الأكل مع تقليل الوزن (لو زايد) دي أهم طرق العلاج، مع استخدام بعض الأدوية (اللي منها اصلا أدوية سكر)
No comments:
Post a Comment
اكتب تعليق حول الموضوع