القلون العصبي أو ما يسمى طبيا بمتلازمة القلون العصبي.

من الأمراض الغريبة لي كيعاني منها 20 في المائة من سكان العالم و لي اعراضها غريبة لدرجة أن الطب مالقاش ليها حل. اليوم غانهدر شوية على هاد مرض القلون العصبي و على أعراضو و على المعانات لي كيعانيو منها الناس لي مراضين به.

أكيد كاين ناس كتعرفهم مراضين بالقلون العصبي لي مخليهم عايشين في حيرة بسبب أعراضه الغريبة لي تتشابه مع أعراض الخلعة و بومزوي.

نعم القلون العصبي مااشي هو الخلعة و ماشي هو بومزوي. لي بغا يعرف شوية على الخلعة يدخل للصفحة. سبق ليا هدرت عليها و ان شاء الله من بعد نتطرق لموضوع بومزوي لي كايعاني منو بزاف د الناس.

اولا يجب ان تعرف انه هناك فرق بين آلام القلون العصبي و آلام المعوية او انقبضات معوية. حيث آلام المعدة او المعوية تتكون عابرة يعني تتجي للحظات او دقائق او حتا ساعات و لكن تتمشي. أما آلام القلون العصبي فهي دائمة. للأسف ناس كيعانيو و يتألمو في صمت.

مرضى القلون العصبي مساكن مايمكنش يتوقع فوقاش يجيه الألم. يقدر يكون في امتحان او في مباراة او في مكان عمل او في سفر.

كاين ناس كيقولو انه خاص حمية غذائية باش يتعافى من هاد المرض الغريب. و لكن راه داكشي لي كليتي في الصباح او من قبل و ما وقع ليك والو ربما يكون سبب في آلام فضيعة من بعد. يعني مكاينش شي حاجة مضمونة تقدر تخليه مايعانيش.

هاد المرض غريب جداااا لدرجة انه يقدرو جوج عندهم القلون العصبي واحد فيه اسهال حااااد و الثاني امساك حاد.  لهذا مكاينش شي تفسير علمي او طبي لهاد المرض.

و دراسات اكدت ان أكثر الناس لي فيهم القلون العصبي هم النساء.

هاد المرض الوهمي الغريب كيخلي الانسان بحال عايش ما عايش. انطوائي و عايش في عالم غريب لدرجة انه كيحس ان العالم غريب عليه و في الطب النفسي تتسمى هاد القضية بإختلال الآنية.

مريض القلون العصبي يحس ان حياتو ضايعة و تفكير سلبي جدااااااا و يقدر يفكر في الانتـ.ـحار.  حياتو واقفة في البحث عن العلاج و كيبقى حياتو كلها بلا خدمة بلا زواج. و الكثير كيظن انه سحرو ليه او عندو مس شيطاني و كتبدا رحلة البحث عن العلاج من راقي لآخر و كل واحد و كفاش كيشخص الحالة. شي يقولو سحر و آخر يقولو اصابة عين قوية و آخير يقدر يعتابرو همزة يبقى يبيع ليه الأعشاب و الأدوية التقليدية.

و دبا غانعطيكم أعراض القلون العصبي و كل واحد و كفاش تتجيه الأعراض:

1_الاسهال او الامساك بالتناوب

2_كثرة الغازات والانتفاخ وخصوصا المعدة

3_الم حاد في رأس المعدة والبطن

4_الصداع والدوخة ووجع الرأس

5_الغثيان او الاستفراغ

6_شحوب في الوجه بسبب نقص فيتامين ب12 

7_خفقان القلب ووخز القلب وضيق في التنفس وآلام في الصدر

8_المنامات المزعجة  والكوابيس من ضغط الغازات

9_آلام اسفل الظهر والاكتاف وسخونة في الرقبة

10_الرعاش_برودة في الاطراف 

11_  عند المدخنين تلون لون اليد للون الاحمر 

12_فقد الشهية او زيادة في الشهية

13_شحوب البشرة باللون الابيض وخاصة الوجه والقدمين

14_انخفاض ضغط الدم وطنين في الاذن

15_احساس بهبوط في القلب عند النوم

16_نبض في البطن 

17_ضبابية العين وضعف في النظر 

18_سخونة في القدمين عند النوم

19_الظن بأن في مشكلة في القلب

20_الخوف والقلق والتوتر والاكتئاب

21_العصبية المفرطة

22_الوسواس والافكار السلبية 

23_الخوف من الموت_وسواس الموت

24_الانزعاج وعدم الرغبة في الطعام بسبب التحسس من بعد الاطعمة 

25_الرغبة في تناول السكريات والحلويات

26_كثرة التبول وجفاف الفم 

27_ازرقاق تحت العينين 

28_كثرة التثاؤب والنبض في الجسد

29_آلام المفاصل 

30_دوخة عند المشي او عند النهوض من الفراش او من النهوض من وضعية الاستلقاء 

31_التقلصات اما بطئ عملية تحرك القولون او سرعة عملية تحرك القولون 

32_بواسير شرجية 

33_انخفاض الوزن رغم كثرة تناول الطعام

24_التعب والخمول رغم النوم لفترة طويلة

25_حموضة+حرقة في المعدة 

26_عدم القدرة على النوم الاستيقاظ اكثر من 3 مرات بعد النوم

كل هذه الأعراض هي لهذا المرض الغريب. كاين ناس مكاينعسوش بسبب القلون و كاين ناس كيمشيو للسبيطار للمستعجلات كل ليلة لدرجة ان اأطباء ولاو عارفينهم. و هادي تتوقع لصديق ليا كايعاني يوميا بسبب هاد المرض الغريب لدرجة انخ مكايشوفش النعاس. الليل كامل كيبات فايق  كيخمم في الموت و اله ف من الأمراض و تتفاقم عليه الحالة حتا تايوصل للاختناق و كيمشي للسبيطار. دبا ولا يشرب دوا ديال الأعصاب و أدوية نفسية باش يحس بالراحة. 

و لكن والو مكاينش الراحة عند مرضى القلون العصبي. مجرد مهدئات لي مع الوقت كيولفها و تتولي ليه الأعراض كيف الأول او أكثر حدة و كل مرة تتبان فيه أعراض جديدة. 

بسبب الوسواس لي كيسببو كاين ناس مشاو عند جميع الأطباء في كل التخصصات و مالقاو فيهم حتا حاجة. اي طبيب كيزورو كيقول ليه ماعندك والو. مثلا كاين ناس عندهم طنين في الأذنين. اتوماتيكيا راه ارتفاع الضغط او انخفاضه! و لكن فاش كيقيسو الضغط كيلقاه مزيان و مافيه والو و هو كيسبع التران في راسو. 

و كاين لي عندو حساسية من أطعمة معينة لي تقدر تسبب ليه القلون العصبي. خاصنا نعرفوها و نتجنبوها

من خلال ما لاحظت و قريت على هاد المرض لقيت ان الناس عندهم نقط مشتركة بينهم. كيتفاعلو بزاف بمشاعرهم. يعني انسان كيواجه المشكل او الخطر بمشاعره هنا كيؤثر سلبا على وظيفة الجهاز الهضمي لي كيف تتعرفو هو الدماغ الثاني للانسان... كفاش هاد القضية؟ 

ا سيدي الأمعاء تحتوي على ملايين الخلايا العصبية لي تعمل من تلقاء نفسها... ايييه الجهاز الهضمي هو الدماغ الثاني للانسان و هادشي قليل لي غادي يعرفو. و كيحتوي على 70 في المئة من خلايا المناعة. و يحتوي على ميكروبات صديقة لي عندها دور كبير في عملية الهضم و امتصاص الأطعمة و الفيتامينات... 

نقطة الامتصاص هنا مهمة. تخيل وقع مشكل أو خلل في الجهاز الهضمي او في الأمعاء باش نكونو اكثر تحديدا لمكان الخلل. و وقع مشكل في امتصاص الفيتامينات. مابقاوش الامعاء كيمتصو الفيتامين ب12 كسبيل للمثال. راه يقدر يوصل بك الأمر للاكتئاب و للتوثر و العصبية فقط حيث الجسم ديالك    

فيه نقص من فيتامن ب12. او فيتامين د او او او 

المشكل هنا هو خلل في وظائف الجهاز الهضمي. اذن شنو الحل! 

مكاين حل نهائي و جذري لهاد المرض الغريب. و لكن للتقليل من حدته. خاصك دير الرياضة ا صديقي و تبعد على المشاكل و الضغوطات النفسية و بعد من بنادك لي يزيد يكمل عليك. و تقبل الأمر. اهم حاجة هي تقبل المرض و التعامل معه بليونة. و بدل طريقة تفكيرك. خليك إيجابي جدا. حاول تخلق حديث داخلي مع راسك بطريقة إيجابية. خرج من عالمك الانطوائي و كفى من تقمص الشخصية الكاملة. حتا واحد ماكامل ا صديقي. و الا خطئتي راه كلشي كايخطأ.  اختر ناس ترتاح بينهم و تحس براسك مقبول بينهم... بعد من اي بلاصة حسيتي براسك غير مرحب بك بينهم. مارس هواتيك بانتظام الا تتبغي الرسم دير بلاصة خاصة بك بال سم. بلاصة لي تقدر تخرج دكشي لي في نفسك. 

و النصيحة الزوينة لي نقدر نصحك بها صديقي قلب على داك الانسان اللي فيه اللامبالات و تعلم منو و الله نصيحة زوينة هادي. تعلم فن اللامبالاة و التجااااهل. لي قالك ا سيدي العيد غدا قل ليه عيدك مبروك. و لي شفتيه راكب فوق لحمام قوليه مبروك العود. 

و النصيحة الأساسية هي الصلاة. الصلاة. الصلاة. الصلاة. ثم الصلاة واحد الراحة ماتقدرش تخيلها و خصوصا الا ولفتي صلاة الفجر. يا سلااااام احساس لا مثيل له و رضى عن النفس رائع. و ماانساش الأذكار. ديما الأذكار في فمك. 

كاين ناس كيشربو بعض الأعشاب لي هي اللويزة لأنها تتهدن الأعصاب و تحس بالاسترخاء.. و تقشر الرمان مهم للمعدة و الكامون و النافع مهم جدااا في تهدئة الالام. (هاد العشوب ماتستعملوهمش راسكم استاشرو ناس متخصصة) 

و حاليا كاين دراسة تبشر بالخير لهاد الناس لي كيعانيو. باحثين في جامعة بلجيكية قدرو يحددو الآليات البيولوجية لي تتسبب المرض. و عرفو بالتحديد الخلايا لي تتسبب القلون العصبي. و قالهم واحد الاخصائي في الأمراض الهضمية ان الاضطرابات النفسية و الميزاجية ماعندهاش علاقة بالجهاز الهضمي. 

سمحولي الا طولت عليكم... هاد الموضوع خذا مني وقت كبير في البحث و السؤال و جبت ليكم النقط الرئيسية باش نقدرز نساعدو الناس لي مريضة بهاد المرض الغريب.