انهارده بقي هنتكلم عن حاااجه معظمنا بيسمعها من الدكتور الصيدلي وبيتعامل معاها كأنها عفريت
.. وهي البديل
طيب يعني إيه بديل
البديل ... بعض الناس بتفهم الكلمة غلط وبتستعملها غلط
معظم الادويه الموجودة في مصر ليها بديل أو اتنين أو أكتر، طيب برده يعني إيه
يعني دوا ليه نفس المادة الفعالة ونفس التركيز ونفس الشكل الصيدلاني، ويعني إيه نفس الشكل الصيدلاني يعني الاتنين كبسولات أو اقراص أو حقن وهكذا..
طيب إيه المشكلة في كلمة بديل
الناس فاهمة إن كلمة بديل يعني دوا مختلف وليه تأثير مختلف لكن الحقيقة إنه نفس الدوا فهو أصلا مثيل مش بديل
طيب اي الفرق بين البديل والمثيل
المثيل من اسمها أنه دواء ليه نفس الماده الفعاله ونفس التأثير بس باسم شركه تانيه وبسعر مختلف
مثال
Bialcofan ........ketoprfen Biprofenid...... ketoprfen
لكن البديل دواء بيتكون من ماده فعاله مختلفه لكن بيعالج نفس المرض
ومثال ع كده
Antodine......famotidine
Antopral.......pantoprazole
طيب ليه بيبقى شكلهم مختلف
ممكن لون العلبة يختلف أو لون وشكل الحباية ، ده عادي جدا ولا يؤثر على فاعلية الدوا عشان شركه تاني هي اللى انتجته
طيب ليه أصلا في كذا بديل⁉
عشان نفس الدوا بتنتجه اكتر من شركة وكل شركة بتحط اسمها التجاري على العلبة والشعار بتاعها وبتعمل العلبة بلون مختلف وكمان مكن تعمل الحباية بشكل أو لون مختلف
طيب سؤال كتييير مننا بيسالوا هل البديل ليه نفس التأثير العلاجي⁉
طبعا أكيد
لأن الدوا الاصلي بيتكون من ماده فعاله معينه هي اللى بتدي التأثير دا ونفس الماده الفعاله دي هي اللى موجوده في الدواء البديل ع كده هما الاتنين ليهم نفس التأثير العلاجي ولكن الفرق ف السعر بيبقي واضح جدا
الموضوع كبير جدا ومهم وممكن يسبب مشاكل بسبب سوء فهم مش اكتر عشان كدة حاولنا نلخصه بشكل بسيط
Comments
Post a Comment
اكتب تعليق حول الموضوع