فيه مصطلح كدا اتكلمت عنه قبل كدا وهو اشاره لعلم من العلوم الطبيه الي للاسف اغلب الدارسين بمصر ميسمعوش عنه وهو علم الـ Chronopharmacology  يعني علم اختيار الوقت المناسب لاخذ الدواء علم مهم جدا بيهدف الي استهداف اخطر فتره بيظهر بيتعب فيها المريض واذاي نتجنبها وكمان بيستهدف استغلال الدواء باكبر قدر ممكن 

يعني مثال : 

 

معلوم ان مرضي الروماتويد بيشتكو من الم وتيبس في المفصل الصبح اول لما يصحو لذلك العلم دا بيقول ان المريض دا ياخد اقراص مسكن Long acting بالليل  ذي  مثلا 

Ketolgin SR - Olfen SR- Voltaren SR - epifenac SR

بحيث انه االصبح بيكون في دمه المسكن يقدر يقوم ويتحرك بشكل كويس 

 

كمان معلوم ان مرضي قرحه المعده والارتجاع في المرئ اكتر شكواهم بالليل ما بين الساعه 10 مساء الي الساعه 2 بعد منتصف الليل واثبتت الابحاث ان المسؤل في الفتره دي عن زياده الحمض  هنا هو الهيستامين بالاخص بيزيد انتاجه ف الفتره دي ودي ظاهره بيسموها Noctural acid breakthrough وزي ما قولت حلها هو مضادات الهيستامين زي nizatidine - famotidine 

ulcfree - famotin - nitatin - nizatec 

كل دي اسامي تجاريه 

 

كمان معلوم للجميع ان الكوليستيرول بيتم انتاجه اثناء النوم وبيوصل لاعلي قمه الساعه 6 صباحا  لذلك من الافضل هو استخدام ادويه الكوليستيرول قبل النوم طيب في حاله تزاحم الادويه مع ادويه الكوليستيرول بالليل ممكن نخليها الظهر مثلا ؟ 

ممكن نخليها لان اغلب ادويه الكوليستيرول مدتها 24 ساعه في الجسم ما عدا الsimvastatine  يعني اي دواء فيه الماده دي شرط اساسي يتاخد بالليل اما الباقي بسبب مده تاثيرهم ع الجسم فيفضل مساء مالم يكن المريض بياخد ادويه كتيره