ارتجاع المرئ و حرقان المعدة فى الحوامل

,,,,,تعاني 80% من النساء من حرقة المعدة خلال فترة الحمل وتشتد هذه الحرقة (أو الارتجاع المعدي المريئي) خصوصاً في النصف الثاني من الحمل،ورغم ان الحرقة اثناء الحمل لا تؤثر اطلاقاً على صحة جنينك الا انها يمكن أن تكون مؤلمة  ومزعجة,.

,,,طب ايه اسبابها,

,,,ده نتيجة هرمونات الحمل خصوصا progesterone اللى بيبطئ من عملية الهضم فبتاخد وقت اطول للهضم و مع نمو الجنين داخل الرحم فيضغط على جدار المعدة وممكن يجبر حمض المعدة يرجع للمرئ وبيؤدى الى ارتجاع المرئ وتظهر اعراضه على هيئة حرقان. 

,ازاى نقدر نتحكم فيه ونقلله,

,,,,لازم نظام الاكل يتغير بمعنى بدل ما تاكلى كمية كبيرة تاكلى كل ساعة او ساعتين كمية صغيرة🍛 عشان لاتكون المعدة مليانة او فاضية خالص. 

,,,,ابعدى تماما عن الاكل الحراق ,او الحلو جداا ,او الاكل الدهنى او المشروبات الحمضية, زى الليمون والطماطم والبرتقال وكمان ابعدى عن القهوة, ومشابهاتها زى كابيتشينوا وابتعدى على قد الامكان من الاماكن اللى فيها دخان سجائر لانها بتزوده زائد بتعمل مخاطر على الجنين. 

,,,,,بعد الاكل ما تحاوليش تنامى  لازم تخلى الجزء العلوى من الجسم اعلى من مستوى جسمك لمدة ساعتين او تلاتة ممكن تقعدى طبيعى ,

,,,,,,ميفضلش الاكل قبل النوم وكمان من المستحسن اثناء النوم تحطى مخدة او اتنين عشان برده تخلى الجزء العلوى من الجسم اعلى من مستوى جسمك,

,,,,نيجى على الادوية ,

,,,,مفيش الا تلات انواع ادوية ممكن تستخدم وبيختلف استخدامها او اختيارها على حسب شدة الالم  وحالة الحامل والادوية اللى بتاخدها,,. 

‼️ومينفعش تستخدم الا باشراف الطبيب الخاص, بيكى اللى متابع الحالة ويعرف انتى محتاجة انهى نوع منهم زائد انه عارف لو عندك اى مشاكل تانية و ممكن العلاج مينفعش يتاخد فى الحالة دية. 

,,,,,مضادات الحموضة زى Maalox ومكوناته Aluminium and magnesium hydroxide وده بيستخدم للحالات الضعيفة بس سريع المفعول. 

بس ابتعدى عن انهى دواء فيه sodium carbonate او magnesium trisilicate ممنوع

,,,,,ادوية H2 blocker زى famotidine ودية للحالات المتوسطة الالم وغالبا بيستخدم مع مضادات الحموضة عشان توفر سرعة تخفيف الالم على ما الدواء يشتغل

,,,ادوية proton pump inhibitor زى lansoprazol وده فى الحلات الشديدة الالم.

,,مع مضادات الحموضة لو بتاخدى مكملات حديد عن طريق المعدة لازم تخلى بينهم وقت ساعتين لتلات ساعات

‼️الم ارتجاع المرئ مش مميز اوى وممكن يتداخل مع اى مرض تانى ,ومش بيحصل مع كل الحوامل عشان كده لازم تروحى لدكتور الخاص بيكى يكشف عليكى ويحدد الوجع فعلا جاى منين. 

‼️بأكد تانى لازم تروحى للدكتور, لو عندك الم فى المعدة نفسها  مش مجرد حرقان او بتخسى فى الوزن مش بتزيدى زى المفروض او مش قادرة فعلا تاكلى او بتكحى دم او لون البراز غامق بنى او اسود ده معناه انه فيه نزيف فى المعدة,.

,ارتجاع المرئ بيتحسن بعد الولادة,.