بروتوكول علاج كرونا

انا بعالج بخطوط العلاج البريطانية NICE guidelines  سواء في كرونا او ضغط او سكر او حتي مغص كلوي.

في حين ان الامر متروك في مصر للاجتهادات الشخصية

بروتوكول العلاج البريطاني مفيهوش دواء القمل الايڤرميكتين

بروتوكول العلاج البريطاني مافيهوش الازيثرومايسين zithromax و لا الكلاريثرومايسن Klacid اللي بيعملوا Prolonged qt syndrome و ممكن يعملوا توقف مفاجيء للقلب 

بروتوكول العلاج البريطاني مافيهوش فيتامينات لا سي و لا دي و لا زينك و لا اوميجا ثري لا للمريض و لا طبعا للمخالطين.

بروتوكول العلاج البريطاني مافيهوش دواء سيولة لشخص بيتحرك و يقدر يقوم و يروح الحمام او حتي احنا بنقلبه علي السرير بشكل منتظم لمنع تكون جلطات وريدية بالقدم" و اللي علامتها تورم باحدي القدمين و تأكيدها بالدوبلر علي الساق المتورمة"

مفيش حاجة اسمها جلطات في الرئة pulmonary embolism بدون جلطات في الساق DVT و دا الف باء طب خلافا للبروتوكول السوداني اللي الناس اخدته كمصدر لبروتوكولنا.

ارتفاع الD-dimer لا يعني وجود جلطات في الرئة 

الD-dimerبيرتفع باكتر من عشرين سبب منهم زيادة الدهون الثلاثية اللي عند الشعب المصري كله.

ارجو يا جماعة ان مش كل ما نسمع عن حاجة بتجيب نتيجة نجربها في نفسنا و في مرضانا  .

اتعلمنا في الأزهر ان نأخذ الدين من مصادره الصحيحة و اتعلمنا من دراسة الشهادات الأجنبية ان نأخذ العلم من مصادره الموثوقة والمبنية علي ابحاث علمية صحيحة.