امتى اشيل لابني اللوز

 الموضوع فيه اراء شخصية كتييييرة بطريقة عشوائية غير علمية

  لكن الموضوع حسب الارشادات الدولية وعلي حسب الاكاديمية الامريكية لطب الانف والاذن هو الاتي:

 مش موضوع الواد بيجيلو التهاب حلق ولا سخونيه كتيير يبقى نشيل اللوز 

 أو ابني عنده التهاب ف اللوز ومش عارف يبلع و ماثرة علي وزنه والواد اتهرى مضادات حيوية فاحنا عاوزين نشيلها

‼️دى الشكوى اللي دايما بنسمعها من الأهل بخصوص موضوع اللوز

بس هل كل الأطفال اللي عندهم التهاب في اللوز محتاجين فعلا انهم يستأصلوها؟؟

لازم نعرف الاول ايه فايدة وجود اللوز وازاي بنعالجها وامتى ناخد قرار انها تتشال او لأ....

  اللوز دي خط الدفاع الاول في الجهاز المناعي للجسم اللي بيمنع دخول الميكروبات للجسم ويحميه من الاصابة، وعشان كدة هي اول حاجة معرضة للعدوي والالتهاب أثناء الدفاع عن الجسم

السؤال بقي امتي اشيل اللوز؟؟؟

فيه معايير معينه لو لقيناها يبقى اللوز لازم تتشال

الا وهى :

  اولا:

  لو التهاب اللوز اكتر من 6 مرات ف سنه واحدة 

  اكتر من 5 مرات ف سنتين ورا بعض

  اكتر من 3 مرات ف تلات سنين متتاليه

والالتهاب دا ليه مواصفات طبعا

 التهاب صديدى ع اللوز مع حراره مرتفعه مع التهابات والغدد الليمفاويه كبيرة فى الحجم مع احتقان وصعوبه فى البلع

  يبقى لازم الام تسجل عدد المرات وتحسبهم خلال السنة

  بالإضافة لواحدة من الحاجات دى:

 درجة حرارته اكتر من 38.5

 تضخم والتهاب بالغدد الليمفاوية بالرقبة

 افرازات من اللوز

 تحليل الميكروب السبحي ايجابي

  ثانيا :

 الحجم

  لو اصبحت كبيره جدا لدرجه انها قربت من بعضها 

  وكمان بتسد مجرى التنفس وبتعمل مشاكل اثناء النوم من شخير وعدم راحه اثناء النوم

  و كمان البلع فيه مشكلة

  تعرفوا كمان ان الطفل بيبدأ يفقد تركيزه وتحصيله الدراسي و تأخر في نموه واحيانا تبول اثناء النوم..

  ثالثا : 

   لو جاله خراج ع اللوز ولو لمره واحده يبقى تتشال ع طول 

  رابعا :

  التهاب لا يستجيب للمضادات الحيوية

  خامسا :

  لو فيه اورام على اللوز لازم تتشال ع طول

  هما دول الخمس اشياء الى لو موجودين لازم اشيل اللوز فورا

  يبقى الموضوع مبنى على اسس و معاييرعلمية و طبية مش اى التهاب او نزله برد يبقى "اشيل اللوز يادكتور"

  طيب لما تلتهب اللوز بقى نعمل ايييه؟؟

   الالتهابات بتبقى اما بكتيرية او اتهابات فيروسية... لو فيروسي حيبقى راحة وسوايل ومضاد للالتهاب و الالتهاب الفيروسي لا يحتاج مضاد حيوى

Catafly or brufen+maxilase syp

والموضوع دا مهم جداا لكل عشااااق المضادات الحيوية  واللي رافعين شعار يا أنتيبيوتيك يا إما بلااااش علاج غيره مينفعناااش   اللي دايما بيلجأو للأنتيبيوتك، مع أي مشكلة صحية وبيعتبروه الدوا السحري   اللي حيخلصهم من كل الأعراض  

   انما لو التهاب بكتيري بقى ابنك هياخد مضاد حيوي من اسبوع ل 10 ايام متواصل وحتى لو حصل تحسن بعد كام يوم لازم يكمل مدة علاج المضاد الحيوي بالكامل عشان نضمن اننا قضينا على البكتريا 

  طيب أعرف ازاي هو التهاب فيروسي ولا بكتيري؟

   دا دور الطبيب المعالج اللى يقدر يقرر و يفرق بينهما

فلكل مقام مقال فالمضاد الحيوي  دواء عظيم اينعم لكن لو تم توظيفه في الحالة المرضية الصح وبالجرعة والمدة الصح ، ولكن استخدامه طول الوقت بيقلل من مقاومة جهازك المناعي ومن جهاز طفلك المناعى بأنه ياخد فرصته ف مهاجمة الميكروب و تكوين اجسام مضادة ضده وبالتالي انت بتضعف مناعة طفلك بإيدك غير ان فيه بكتريا نافعة موجودة داخل اجسامنا منها انواع ليها دور ف عملية الهضم بسوء استخدامك انت بتقضي عليها...