مشكلة البديل والمثيل في الادوية
" بس لو سمحت يادكتور مش عاوز اي بديل "
مين فينا مبيسمعش الجملة دي يوميًا؟
وده قائم علي ثقافة المجتمع اللي فاهم انه لو مش الدواء ده! بنفس اللون والسعر وشكل العلبة وحجم القرص يبقي مش هيعالج مشكلته
طيب تعالو نعرف
مشكلة البديل والمثيل
واللي كتير مننا بيتعامل مع مصطلح "البديل" علي إنه يعني"المثيل" وده مش صح
فتعالوا نعرف الفرق بينهم
اولا المثيل= ده نفس الدواء يعالج نفس الامراض وله نفس "المادة الفعالة" بنفس التركيز مع اختلاف الشركة المنتجة والسعر.
البديل=ده دواء له "مادة فعالة"مختلفة ولكن بيعالج نفس المرض وفي بعض الاحيان مينفعش فعلا اننا نصرفه.
اما المثيل يصرف في حالة عدم توافر الدواء المحدد بدون اي مشكلة المهم اننا نحاول نوصل ثقافة "البديل،والمثيل" للمرضي.
نختصر كل الكلام ده ونوضح بمثال وهو "Panadol" وهو مسكن للألام وخافض للحرارة
اللي مادته الفعالة "باراسيتامول" فبالتالي المثيل ليه كتييير جدا زي مثلا "Abimol"
طيب البديل هيكون إيه؟ هيكون حاجه زي "brufen" اللي مادته مختلفة "إيبوبروفين" ولكن بتعالج نفس الأعراض.
لو فهمتو الفرق بين البديل والمثيل شاركونا في الكومنتات إيه بديل "Zurcal" وإيه مثيله؟
Comments
Post a Comment
اكتب تعليق حول الموضوع