سخونية الأطفال.

تدخل واحده الصيدلية وتقولك ابني اخد التطعيم وسخن وأنا عندى فى التلاجة دواء Brufen (بروفين ) ولبوس Dolphin (دولفين ) أدى الولد منهم؟!

تقولها لا كدة غلط  

مينفعش 2 دواء من نفس العيلة مع بعض لأن دة هيدخّل الطفل فى حالة خلل فى وظائف الكلى ومن بعدها فشل كلوى 

طب اديله اية؟!.. هقولكم 

 من عمر يوم ل 6 شهور أأمن حاجة للطفل هى مادة الباراسيتامول (paracetamol) بكل أنواعها مثال:

1/ دواء سيتال شراب ( cetal syrup ) أو  

2/أبيمول لبوس (abimol suppository) 

 من 6 شهور ل سنة بدى مادة ايبوبروفين (ibuprofen) بكل أنواعها مثال :

1/دواء بروفين شراب (Brufen syrup)                              2/سيتافين شراب (cetafen syrup) 

 من بعد السنة بدى مادة الديكلوفيناك بكل أنواعها صوديوم أو بوتاسيوم (diclofenac Na or K) 

  طبعا هتقولولى ايه صوديوم وبوتاسيوم دة 

 البوتاسيوم بيشتغل بسرعة ولكن مدة  التأثير أقل..

 الصوديوم بيشتغل أبطئ لكن مدة التأثير والمفعول بتاع الدواء بيستمر لمدة أطول..

↩مثال ديكلوفيناك صوديوم:

1/لبوس دولفين ودة فية منه تركيزين (12.5_25)(dolphin suppository)(12.5_25) ..

2/لبوس بيبى ريليف ودة منهم تركيزين بردو (12.5-25)(baby relief)(12.5_25) ..

↩مثال ديكلوفيناك بوتاسيوم:

1/كاتافلاى شراب (catafly syrup) 

2/لبوس ادويفلام دة منة 3تركيزات (12.5-25-75)(adwiflam suppository)(12.5-25-75) 

 ملحوظة مهمة 

_ لو فية ترجيع متديش الطفل أى دواء شراب نلجأ ل اللبوس أو الحقن  

_ لو فية إسهال متديش لبوس نلجأ للدواء الشراب أو الحقن