التامول Tamol او الفراولة و ازاى تقدر تبطله وتتخلص من ادمانه

مع تانى حلقاتنا من برنامج خواطر صيدلانية وخاطرة النهاردة عن دواء الترامدول Tramadol او التامول او الكونترامال او الترادول او الفراولة او تفاح او ترامال وكل دى مسميات تجارية والمادة الفعالة واحدة  للكل وهى ( ترامدول هيدروكلوريد ) وفيه منها تركيزات 100  او 50 او 200 او 225 ولكن الشائع اوى 200 او 225 فالفراولة او التامول العادى 200 مجم اما التفاح او الترامدول الاكس 225 مجم .

 

الاستخدام الاساسى و الطبيعى للترامدول انه :

 مسكن قوى لالم وخاصة آلام المتوسطة او آلام الشديدة عن طريق انه بيقفل المستقبلات العصبية المركزية   والاعصاب دى مسئولة عن توصيل الاحساس بالالم للجسم .

زى الم ما بعد العمليات الجراحية ...

 الم الديسك والغضروف 

الم الامراض السرطانية .

 الام التى لا تستجيب للمسكنات العادية

 ودا فى جرعات صغيرة ولفترة معينة وبروشتة طبية والترامدول (جدول اول )

ميكانزمه بيشتغل ك  NE reuptake inhibitor .weak Mu receptor agonist 

اما فى الجرعات الكبيرة او بدون وصفة طبية او تناوله بشكل عشوائى زى استخدامه فى علاج سرعة القذف عند الرجال او استخدامه لبعض الناس زى السواقين عشان يقدروا يسهروا ويشتغلوا اكتر تحت تاثير المخدر  هتبدا تظهر اضراره الشديدة جدا زى ( تدمير للجهاز العصى المركزى  وتلف فى خلايا المخ .. هلوسة .. ارتباك .. تشنجات .. خلل فى الرؤية ..تقلبات فى المزاج .. اضطربات فى الجهاز الهضمى .. تحميل tolerance يعنى محتاج كل فترة يزود الجرعة .. تعود depandence يعنى مش قادر يعيش من غيره وف بعض الاحيان الجرعات العالية مميتة.

______________________________________

طيب ازاى ابطل الترامدول ؟؟؟؟؟؟!!

فيه طريقتين .. الطريقة الاولى العادية تتوجه لاقرب مصحة نفسية ورعاية صحية ورقم التليفون الخط الساخن 16023 وهيبقى تحت رعاية طبية وتدعيم . 

او الطريقة التانية سهلة وبسيطة بس محتاجة ارادة واستمرار انك تبطل بالتدريج وما ينفعش او لايفضل انك تبطل مرة واحدة عشان ما يحصلش الاعراض الانسحابية الشديدة زى صداع مستمر وارق وعدم نوم وضيق فى التنفس واسهال ورعشة لاارادية والام فى كل الجسم والعضلات وعصبية زايدة  وتبطل ربع الجرعة اسبوعيا يعنى مثلا لو بتاخد 4 اقراص فى اليوم يبقى تاخد 3 بس اول اسبوع والاسبوع التانى تاخد 2 والاسبوع الل بعده تاخد واحدة لحد ما تبطل خالص وهكذا لحد ما تبطل بس محتاج مع الادوية دى روشتة او مجموعة الادوية عشان ما ترجعش للجرعة الاولى او تقلل من الاعراض الانسحابية . ودى الروشتة

 Sertraline (Moodapex ) قرص صباحا و مساء 

 Vitamin B complex (Neuroton) حقنة عضل يوم بعد يوم 

 Ibuprofen (Brufen 600  ) قرص 3 مرات يوميا 

 Multi_vitamins (Vitamax pius) كبسولة بعد الفطار يوميا 

تاخد دواء اسمه (  Kapect مركب ) معلقة كبيرة 3 مرات يوميا فى حالة وجود اسهال و ( اندرال inderal 40 ) قرص يوميا فى حالة وجود زيادة فى ضربات القلب .

الاهم من دا تغيير اسلوب الحياة بتاعك والسيطرة على اللهفة او الانتكاسة الل ممكن تحصل  يعنى تشغل وقتك بقدر الامكان 

تمارس رياضة وتجرى كل يوم حتى نص ساعة ... تشترك فى الجيم .. تبعد عن اصدقاء السوء او اى حد يتكلم فيه سيرة الموضوع دا .... تبعد عن الاماكن الل بتفكرك او كنت تاخد فيها المخدر ..واوعى تستبدله بمخدر اخر زى الحشيش او اى حاجة تانى وتقول هبطل وكدا بتكدب على نفسك وهترجع تانى فتبعد خالص عن اى مخدر وكل دا تدعيم ليك عشان ما ترجعش له تانى وقد يكون فى المتوسط مدة تبطيله 3 شهور او على حسب الكميات والحالة .