VoltFast

(او كاتافاست ،، او ڤولتارين بودرة ،، او مضاد الاسنان   او الابرة الشراب ،، او الدوا البودرة ،، الدوا الحلل ،، الدوا الاصفر وغيرهااااا اسماء كتييير كتيير عليه من الناس  )

  هو عبارة عن تركيبة اسمها 

diclofinac potassium 50mg ..

بكون على شكل بودرة .. طعمه نعنع  

هاي مادة مسكنة ومضادة للالتهاب (مثلا التهاب العظم) بس مش مضاد حيوي (يعني مابيقتل البكتيريا) .. 

بس جد سريع ومفعوله ممتاز ..

  استخداماته ،،  

مسكن قوي لآلام العظام والمفاصل ،، 

او آلام ما بعد العمليات ،،

 الصداع العادي والصداع النصفي والشقيقة .. ،،

آلام الأسنان وجراحة الأسنان  .. 

مساعد في حالات الإلتهابات الشديدة مثلاً الأنف والأذن والحلق ، التهاب البلعوم ، اللوزتين .. 

(بخفف من الوجع المصاحب إلها ) ..

جرعته ..  

من كيسين ل3 اكياس مسموح باليوم ‌بس طبعاً بين كل كيس وكيس 8 ساعات تقريباً ( كحد أعلى)

او عند اللزوم كيس واحد وبكفي بعد الأكل . 

  مش لازم نضل ناخد منه كل يوم ،، الا ازا في حالات شديدة ممكن نستخدمه متواصل لمدة 3 ايام بس بحددها الدكتور .. 

مش مسموحلنا نضل ناخده لمدة طويلة متتابعة ..

ممنوووع  

للحوامل ومرضى الضغط ،، ومرضى الكلى ،، والناس يلي عندهم ربو (أزمة) ،، والناس اللي بيشكوا من قرحة بالمعدة ..ووللأطفال تحت 14 سنة ..

((لازم نشرب مي منيح معه))   

  خطأ شائع ،، انو في كتير ناس بفكروه مضمضة مش شرب ..  

ما بنستخدمه لنتمضمض فيه ليخفف وجع الأسنان ..

الطريقة الصح لإلو انو نفرغ كيس جوا نص كاسة مي وندوبه فيها