علاج ال DKA في سطور.

علاج ال DKA في سطور...

"Diabetic ketoacidosis"

- بتحصل في العادة لمرضى السكري من النوع الاول واحيانا في الحالات المتقدمه من النوع الثاني...

- انعدام الانسولين او انخفاضه الشديد او حتى عند وجود مقاومه عاليه ليهو دا بيؤدي الى اجبار الجسم على توفير مصدر اخر غير السكر للحصول على الطاقه...

- وهنا بيتم استهلاك ال Long chain fatty acids داخل المايتوكوندريا لانتاج الطاقه... لكن دا برضو بينتج لينا Keton bodies عندها خاصيه حمضيه وبتتراكم في الجسم مسببه حاله عامه من الحمضيه الجسمانيه Metabolic acidosis... واللي بدورها بتضر الجسم بطرق كتيره لايسع ذكرها في البوست..

- حصول الحمضيه في الجسم بيتسبب في وجود شوارد هايدروجين H كتيره في ال Extracellular fluids (الهايدروجين هو الجزء الحمضي في القصه دي)... 

ومعروف فسيولوجيا انو الهايدروجين والبوتاسيوم بيتبادلو الاماكن لما يتواجدو مع بعض في نفس المكان...

وطبعا البوتاسيوم معروف انو بيتواجد بكثره داخل الخلايا..  فلما الهايدروجين يزيد برا الخلايا هنا بيحصل التبادل القلنا عليه... البوتاسيوم بيطلع برا الخليه في سبيل انو يدخل الهايدروجين جوا ويقلل من حاله ال Acidosis الحاصله... ودا بشكل مباشر بيؤدي الى حصول Hyperkalemia وهي من الحاجات الخطيره جدا في حالات ال DKA لانو البوتاسيوم الزائد ممكن يعمل Cardiac arrest (وبالمناسبه الحقنه البيستخدموها في امريكا للإعدام هي حقنة بوتاسيوم)..

* ومع الزمن دا بيؤدي الى حصول Potasium depletion داخل الخلايا.. 

- وكمان بسبب افتقاد الجسم لوظيفه الانسولين هنا عندنا السكر بيتراكم بشكل كبير في الدم ودا بيزيد من ال Osmolarity بتاعت الدم وبيخلي الدم مركز ودا بيزيد من حصول زياده في التبول "Osmotic diuresis"... (نفس فكره لما تدي زول مانيتول من برا)...

والتبول المستمر دا بيسبب فقدان كبير للسوائل واللي بدوره بيعمل Dehydration مع انخفاض في مستوى الصوديوم Hyponatremia اللي برضو بيطلع في البول ( دي بسموها Hypertonic hyponatremia... وقلنا هايبرتونيك لانو الدم تركيزو عالي بسبب السكر زي ماذكرنا سابقا).. 

وبرضو في Electrolytes تانيه برضو بتتفقد من الجسم وممكن تحتاج انها تتعوض.

--------------------------------------

- يبقى كدا نلخص المشاكل المحتاجه علاج بحسب الاهميه كالتالي:

1- وجود ال Metabolic acidosis: ودي اهم نقطه مفروض يتمركز حولها العلاج لانو الضرر الحاصل في الجسم اغلبو بسبب الاجسام الكيتونيه...

وبتتعالج تلقائيا عند توفير السكر للخلايا عن طريق استخدام الانسولين عن طريق الوريد..

**كتيرين بيفتكرو انو اهم خطوه في العلاج هي تخفيض مستوى السكر في الدم ودا غير صحيح... العلاج مامفروض يتوقف مالم كل الاجسام الكيتونيه تختفي من الجسم ودا قد يحتاج استمرار في العلاج حتى بعد رجوع مستوى السكر للحد الطبيعي..

........

2- وجود Hyperkalemia : ودي بتعالج بمجرد مانبدا العلاج بالانسولين لانو الانسولين برضو بيدخل البوتاسيوم جوا الخلايا... دا غير انو تخفيض مستوى الحمضيه بيقلل من كميه الهايدروجين ودا بيخلي البوتاسيوم يرجع لمكانو تلقائيا جوا الخلايا...

وقد نحتاج مرات ندي المريض بوتاسيوم من برا لو استمرينا في استخدام الانسولين لفتره طويله لعلاج ال acidosis زي ماقلنا لانو ممكن يعمل Hypokalemia.

 .........

3- وجود Dehydration + Hyponatremia: ودي بتتعالج بإعطاء درب نورمال سلاين (او رينقر لاكتيت) وكدا بنعوض السوائل والصوديوم في نفس الوقت... ومرات بنضيف درب جلوكوز اذا السكر انخفض كتير بسبب الاستمرار في استخدام الانسولين.

..........

4- مشكله ال Hyperglycemia: ودي بتتعالج بالانسولين كما ذكر سابقا...

..........

#ممكن برضو مرات يتم استخدام Sodium bicarbonate لعكس الحمضيه بس استخدامو مختلف عليه وبينصح بتاجيله لحالات ال Sever acidosis اللي ممكن يكون فيها خطر كبير على ال Cardiovascular system.

--------------------------

ومن المهم برضو تحديد السبب وراء حصول ال DKA لانو في اسباب كتيره ممكن تحصل بشكل متكرر بدون ماتتعرف زي بعض ال Infections زي ال UTI و ال Gastroenteritis ...الخ.

وطبعا برضو عدم الإنتظام بعلاج السكري يعتبر من اهم الاسباب...