تجمع السوائل عند الرئة

 تجمع السوائل عند الرئة
الحالة دى اسمها الارتشاح البلورى وهى تراكم السوائل فى طبقات الغشاء البلورى اللى بيغطى سطح الرئة والقفص الصدرى
والسوائل الزائدة ممكن تعيق التنفس, عن طريق الحد من توسع الرئتين أثناء الشهيق
  أسبابه:
1- الدرن
2- أمراض الغشاء البلورى والرئة زى الالتهاب الرئوى
3- أمراض الكبد والكلى
4- قصور عضلة القلب
5- أمراض المناعة زى مرض الذئبة و الروماتويد
6-سرطان الرئة و سرطان الغشاء البلورى
7-ثانويات منتشرة من أى ورم بالجسم
8- جلطات الشريان الرئوى
 طيب لو حد عنده ارتشاح على الرئة لاقد الله هيحس بـ إيه؟
أكيد ضيق فى التنفس بسبب ضغط السوائل على الرئة, آلام وثقل فى القفص الصدرى بتزيد مع التنفس , وضيق التنفس أثناء النوم على الظهر والاستيقاظ من النوم بسبب ضيق التنفس
الارتشاح البلورى ممكن يكون عبارة عن سائل بس أو أوقات بيحصل فيه التهاب بكتيرى و يتحول لصديد و ده بيكون أكتر مع حالات الالتهاب الرئوى
وبعد الشك فى الارتشاح نتيجة الأعراض والفحص بيتم تشخيص الارتشاح فى اشعة الصدر العاديه او اشعة الصدر التلفزيونية