تبعا للتقارير في الفتره الاخيرة ٩-٧ حتي الان حذرت ألمنظمه من دواء المحتوي علي المادة الفعاله valsartan المصنع في الصين لحتوائه علي مركب بالخطأ أو معدل كيميائيا في يسبب أو يساعد علي حدوث سرطانات وهو مركب (N-nitrosodiummethylamine ) واللي تم توزيعه في اسيا واوربا والله اعلم فين تاني حتي الان .
الشركه المصنعة في الصين ( China zhejiang huahai pharmaceuticals ) من نفسها بلغت منظمه الدواء الاوروبيه EMA بضروره سحب الادويه من السوق وبالفعل في معظم أوربا وآسيا بدأ سحبها ...
ومن اتجاه تاني الشركه الام اللي هيا Novartis المخترعه والمطورة لمادته ال valsartan ليها كذا منتج ومنهم Diovan , Exforge , Entresto بس دول منتجين في أمريكا ومصانع اخري لا تحتوي علي المادة المسرطنة بس علي جانب اخر بدأت سحب الدواء من تصنيع شركه Sandoz المحتوي علي ماده valsartan الغير نقي والمحتوي علي المادة المسرطنة من تصنيع الشركه الصينيه مرفق صور ...
وشركه نوفارتس حاليا بتاخد عينات للتحليل عشان يشوفوا تأثير المادة دي ايه بالظبط ...
طيب المريض اللي بيستعمل الادويه دي يعمل ايه ؟
بدون اَي قلق وكلام مرسل :
١- لو بتاخد اَي من الادويه المذكوره في الصور كمل لحد متروح لطبيبك الخاص ويغيرهولك مش هتفرق من كام حبايه .
٢- لازم تراجع الدوا اللي عندك والشركة المصنعة قبل متوقفوا ممكن يكون مفيهوش مشاكل لان المادة دي كذا شركه بتصنعها عادي ومفيهاش المادة المسرطنة .
برجاء شير لتعم الفائدة . اكيد معظم العائلات فيهم فرد أو اكتر مصاب بمرض قلبي أو ضغط دم ...
بلاش ذعر علي الفاضي أستشير طبيبك الاول .
No comments:
Post a Comment
اكتب تعليق حول الموضوع