في حالات كثيرة يعاني الناس من فقر الدم بدون ما يلاحظون ويبقون يراجعون لاسباب ثانوية ما الها علاقة بالموضوع!
ويظلون يراجعون ويراجعون وفي حالات كثيرة ما يوگعون على العلة
مثلاً نشوف شاب عاجبه يبني عضلات والبنات تركض وراه وسجّل بجم بس من يتمرن يصير عنده خفقان
ومرات توصل الحالة بان صعود درج البيت يصير امر شاق ويسوي خفقان وضيق نفس
نشوف اطفال ياكلون شغلات غريبة مثل الطين والتُرب واكو ياخذه الواهس ويكركط بالحيطان مال البيت ويخل الام تكمز
نشوف نساء ورجال يعانون دائما من دوخة وصداع ويراجعون ويتعبون وحتى مفراس للرأس يسوون وبالاخر يطلع السبب هو فقر الدم
اعراض فقر الدم هواية منها:
النحول الشديد والارهاق
تساقط الشعر
صداع ودوخة
تشقق وتكسر الاطافر
آلام بالصدر وخفقان
الشعور دائما بالنعاس
برودة اليدين والقدمين
تناول اطعمة غريبة مثل الطين والاوراق والثلج
قلة التركيز
آلام العظام والمفاصل
طبعا النساء معرضات اكثر من الرجال للاصابة بفقر الدم وخاصة بعد الولادات المتكررة
بعض انواع فقر الدم بسيطة وممكن علاجها بالطعام والمكملات الغذائية المتوفرة بالصيدليات وبعضها الاخر شديد ويحتاج علاج مكثف تحت اشراف الطبيب ولفترات طويلة
No comments:
Post a Comment
اكتب تعليق حول الموضوع