الانفلاونزا و الحمل
مزعجة جدا لان مناعة الحامل قليلة فتصير اشد عدها اطول بالايام و بالقوة من الشخص العادي
اهم شي سوائل دافية ونتجنب الاشياء الي تهيج الكحة
وبراسيتول او بندول اذا عندج صخونة او وجع بجسمج كلش آمن وميخوف بالعكس احنه منحب الصخونة للحامل وخصوصا بال٣ اشهر الاولى ترتبط هوايه بتشوهات الجهاز العصبي لاسامح الله هاي الصخونة العالية الي توصل ٤٠ ومناخذ خافض حرارة الها
احتقان الانف قطرات محلول ملحي الاحتقان ممكن ناخذ مضاد للاحتقان الرمين لوراتدين بعد اول ٣ اشهر وممكن نضيف دكسون شراب احيانا وعلاج للكحة ممكن ناخذ طبعا النوع الطبيب يحدده بس سلفودين ممكن تاخذو من الصيدلية امن ومفيد وميخوف
ممكن اضافة مضادات حيوية اموكسيل اوكمنتين ازثرومايسن بعد استشارة الطبيب اذا اكو حاجة الها
الانفلاونزا ممكن تتدهور وتصير ذات الرئة بالحامل لان مثل مذكرت مناعتها قليلة واكثر الخطورة تكون اذا كانت مصابة بربو او داء السكري او امراض اخرى تقلل المناعة اكثر .
الحمل غالبا ميتأثر اذا رشح بسيط بس اذا كحة قوية تحفز التقلصات واذا التهاب وصل للرئة ياثر عالاوكسجين ولازم متابعة هالشي رح تحسي اذا لاحظتي حركة الطفل قليلة لازم تراجعين طبيب
نتنجب الاصابة افضل اكيد نستعمل الكمامات باي طلعة ونعقم ونغسل اليدين ونتجنب اي تماس قوي او بوسات ويا احد علمود نقلل احتمالية الاصابة بالانفلاونزا ودائما اكلي برتقال او كوي فيتامين سي الحباب
Comments
Post a Comment
اكتب تعليق حول الموضوع