الادوية اللي تم اكتشاف استخدام تاني مفيد ليها غير استخدامها الاصلي من خلال اثارها الجانبية.

-ده مش معناه اننا نتنازل عن مبدأ ماتستسهلوش الدواء  بس قولنا هو كل مرة ضرب ضرب مفيش شتيمة تعالوا نتعرف على بعض الادوية ديه 

١-دواء الproscar وده بيستخدم في علاج تضخم البروستاتا والمادة الفعالة ليه finasteride اللي يعتبر مادة فعالة في دواء الpropecia لعلاج الصلع بتزود نمو الشعر بس الجرعة تختلف من علاج البروستاتا ٥مجم/اليوم لعدة شهور والpropecia  ١ مجم/اليوم لعدة شهور 

٢-ال baclofen وده بيستخدم كباسط للعضلات وجدوا انه بيحسن حالات الارتجاع المرئ بنسبة ٤٠% وبيستخدم في الحالات الغير مستجيبة لعلاج proton pump inhibitor فبيحسن احساس الحرقان والحموضة 

٣-حبوب منع الحمل  وجدوا انها بتحسن علاج حب الشباب بس خدوا بالكوا الكلام ده عن حبوب منع الحمل اللي بتتكون من الاستروجين والبرجيسترون مع بعض لكن اللي بتتكون من بروجيسترون بس بالعكس بتزود حب الشباب 

٤-الlefodopa اللي بيستخدم لعلاج شلل الرعاش وجدوا حاجة غريبة جدا انه بيحسن قدرة المرضي على الابتكار  ولاقوهم بيرسموا احسن ويحسبوا افضل ويألفوا شعر  وده شئ كويس جدا ليهم شفاهم الله وعفاهم  

٥-الناس اللي بتاخد مشتقات الstatins لعلاج الكوليسترول  وجدوا انهم لما يصابوا بالسرطان لاقدر الله  بتبقى نسبة نجاح علاج السرطان ليهم اكتر بحوالي ١٥% من الناس اللي مابيخدوش العلاج ده 

٦-الmitoformin وده من اشهر علاجات مرض السكري النوع التاني المعروف بالاسم التجاري جلوكوفاج وجدوا ان اللي بيستخدم العلاج ده بيقلل حدوث سرطان الثدي بنسبة ١٧% والسيدات  اللي بتستخدمه لمدة ٣ سنوات نسبة حصول سرطان الثدي بتقل ل٢٥% 

٧-الb-blockers ويستخدم لعلاج الضغط العالي  وتنظيم ضربات القلب  اكتشفوا انه بيقلل تدهور الخلايا الدماغية  اللي بيؤدي لمرض الجنون demencia بنسبة ٥٠% وكمان بيقلل حدوث الزهايمر بنسبة ٤٠% 

٨-الhumira اللي بيستخدم في علاج الصدفية بيقلل حدوث حالات الاكتئاب بنسبة ٤٠% 

٩- الاسبرين اللي عادة كبار السن بيستخدموه كوقائي لمنع حدوث ازمات قلبية  لاقوا انه الناس اللي بتصاب بسرطان البروستاتا وبيستخدموه بيقلل نسبة الوفاة لاقدر الله من السرطان  بنسبة ٥٧% وكمان بيقلل حدوث سرطان القولون وده لانهم اكتشفوا ان الاسبرين بيزود فاعلية البروتين المسئول عن تقليل نمو الخلايا السرطانية.

١٠-الparoxetine اللي بيستخدم لعلاج الاكتئاب ممكن كمان يقلل حدوث مشاكل في القلب . 

 حبينا نهون على الناس اللي بتاخد بعض الادوية لعلاج امراض عندهم وان ممكن يستفيدوا بشكل اخر من الادوية ديه