هادي تعتبر من بين المضاعفات لي تقدر توقع لأي واحد عندو سوسة كتضرو حيت كاتبدا بمشكل بسيط عادة. 

فالأول كايكون ألم فالأسنان بسبب تسوس وكاتمشي للصيدلية تاخذ بعض الأدوية المضادة للألم (وهي فالأساس مضادات للالتهاب أو حتى كورتيكوييد، وبزاف ديال المغاربة كاياخذوها على ود ألم الأسنان وحتى الصيدليات كايعطيوها للناس على هاد المشكل وبلا وصفة طبية واخا هذا خطأ كبير طبعا).

فبعض المرات تقدر دوز الأمور بسلام وما يوقع ليك والو.. ولكن فمرات أخرى ممكن ينقص الحريق ويبدا الحنك يتنفخ يتنفخ والتعفن يكبر وكايتكون قيح فالأنسجة ديال الوجه، ويقدر يسرح ليك هاد القيح للعنق والصدر بل وحتى الدماغ أحيانا، وهنااا تكمن الخطورة.. 

شفت حالة ديال بنت مثلا كانت عندها تقريبا شي 20 عام ووقع ليها نفس المشكل بالضبط أي cellulite cervico-faciale وكان السكانير بين أن القيح سرح ليها للصدر فالمنطقة المحيطة بالرئتين والقلب.

مسكينة نعسات فالإنعاش لمدة طويلة وتوفات بعد ذلك نظرا لخطورة الحالة.

غادي تقوليا شناهوما هاد الأدوية لي ماخصنيش ناخذ إذا ضروني سناني بوحدي ومن دون وصفة طبيب.. باش ما نتسماش كانهاجم ماركة دواء دون أخرى، غادي نقولك الإسم العلمي (هو الإسم الصغير اللي كايكون تحت الإسم التجاري للدواء):

-Ibuprofène

-Fénoprofène

-Kétoprofène

-Indométacine

-Diclofénac

-Acide tiaprofénique

-Acide méfénamique

-Célécoxib

-Étoricoxib

-Méloxicam

-Piroxicam

-Prednisone

-Prednisolone

-Hydrocortisone

-Déxaméthasone

غادي تقولي وشنو ناخذ.. بدلا من هادو تقدر تاخذ بكل بساطة  Paracétamol (دوليبران) بوحدو وشوف طبيب الأسنان فأقرب وقت باش تعالج المشكل فالبداية ديالو، وباش يعطيك المضادات الحيوية الملائمة.

بارطاجي هاد المعلومة باش نتفاداو شي حد يوصل لحالة حرجة بحال هادي.