التخفيف العياريه :

السلام عليكم ورحمة الله وبركاته

بدون شرح كتير او تفاصيل أكتر

اعرف معامل التخفيف وعلم عليه

النتيجه = اول تتر × معامل التخفيف

اول تتر ل

ASOT = 200

CRP = 6

RF = 8

الا لو الكيتس قالتلك غير كده

طيب معامل التخفيف اللي هو ايه بقى

صلي على حبيبك النبي الأول

معامل التخفيف هو ناتج قسمة الحجم الكلي للمحلول ( محلول الملح + السيروم ) ÷ حجم السيروم

طيب نقول مثال علشان نفهم

انا اشتغلت من السيروم لوحده بدون اضافة محلول ملح يبقى الحجم الكلي هو هو نفس حجم السيروم

يعني لو قسمت النتيجه هتطلع ١ يعني النتيجه

200

6

8

على الترتيب و ده اول تتر معايا اللي انا بشتغل فيه من السيروم نفسه بدون اي تخفيف

طيب لو حطيت ١٠ سيروم مع ١٠ محلول ملح علشان احط عليهم ٢٠ كاشف

١٠ سيروم مع ١٠ ملح يعني المجموع ٢٠ ولو قسمتها على ١٠ سيروم يبقى ٢ وهو ده معامل التخفيف يعني النتيجه هتكون

2 × 200

2 × 6

2 × 8

على الترتيب

طيب لو حطيت ٥ سيروم مع ١٥ محلول ملح علشان احط عليهم ٢٠ كاشف

المجموع ٢٠ مقسوم على ٥ يبقى الناتج ٤ اللي هو معامل التخفيف يعني النتيجه هتكون

4 × 200

4 × 6

4 × 8

طيب لو عاوز اريح دماغي

اقولك اشتغل تخفيف متسلسل

Serial dilution

اللي هو ازاي بقى يا دكتور انت وهو

هقولك مش هقولك غير لما تصلي على حبيبك النبي

هنجيب ٥ انابيب ونحط في كل انبوبه ١٠٠ ميكرون محلول ملح

نجيب السيروم ونحط ١٠٠ ميكرون في اول انبوبه ونعمل ميكس

ناخد من اول انبوبه ١٠٠ نحطهم في التانيه اللي هي اصلا فيها ١٠٠ محلول ملح من البدايه

ناخد ١٠٠ من التانيه نحطها في التالته

ناخد ١٠٠ من التالته نحطها في الرابعه ..... الخ

كده بقى معاملات التخفيف في الانابيب كالآتي على الترتيب

2

4

8

16

32 ..... etc.

طيب يا دكتور لو انا عاوز اطلع تتر في النص بين التترات دي

بمعنى لو انا مش عاوز اطلع

200

400

800

1600 ... etc

وعاوز اطلع مثلا

500

600

700

850

900

1000

هقولك بسيطه خالص

اقسم التتر اللي انت عاوزه على التتر الأساسي والناتج هو ده معامل التخفيف اللي هتشتغل عليه

طيب معلهش انا عارف تني طولت عليكم بس نوضح بمثال

انا مثلا عاوز تتر ٧٥٠ او تتر ١٤

اقسم ٧٥٠ على ٢٠٠ يطلع الناتج ٣.٧٥ وهو ده معامل التخفيف بتاعك

يعني انا عاوز حجم محلول كلي ( ملح + سيروم ) لما اقسمه على حجم السيروم يطلع الناتج ٣.٧٥

يعني لو حطينا ١٠٠ ميكرون سيروم مع ٢٧٥ محلول ملح هيبقى الحجم الكلي ٣٧٥ ولو قسمته على ١٠٠ هيبقى الناتج اللي هو معامل التخفيف ٣.٧٥ واللي هضربه في التتر الأول هيعطيني ٧٥٠ زي مانا عاوز

طيب لما حطيتهم على بعض هشتغل ازاي ؟

خد منهم ٢٠ او ٥٠ على ٢٠ او ٥٠ كاشف زي ما بتشتغل عادي خالص.🏩🚑🚒

بحر

19:10

د.محمد الصبيحي: يوضح