نصايح سحب دم للمواليد وللاطفال
بالنسبة للمواليد
1/ حتة حد كبير يدخل ويشيل المولود والكلام دا وامه جنبه وتعيط عشانه وتقرفك وممكن ما تعرفش تسحب فبلاش ندخل معاه حد، اممممم الكلام دا صح وغلط بص انا رأيي انك تسألها لو هيضايقها منظر السحب تخرج ولو عادي تمام بس لازم حد من أهله يكون موجود ف مكان السحب ويبقى شايفك دي حوار قانوني كدا افرض لا قدر الله الواد توفي اللحظة دي عامة وبيحصل مواقف كتير واللي يعيش ياما يشوف الخلاصة «اللي بيخاف يطلع برا»
2/بلاش حد يشيل المولود ممكن ينام ع تربيزة السحب وناخد بالنا منه ليتقلب
3/ بلاش تسحب للمولود وهو نايم يفضل ترزعه قلمين يصحى علشان ميقومش مفزوع ومتألم كمان صحيه يتألم بس
4/ يفضل يكون واخد رضعة قبلها
5/ اسحب منين معرفش بس المهم تخرج بعيناتك
اعطي اولوية لمنطقة ال cubital ويليها dorsum
6/ اهم نقطة الضغط فوق مكان السحب عشان الوريد يظهر بس متطولش
7/ تاني اهم نقطة شد الجلد تحت مكان السحب عشان الوريد ميلفش
8/ طهر قبل السحب كويس جدا
9/ قبل ما تدخل كن متأكد فوق 70 ان الوريد هيجيب
10/ اكسر السن ولا لا زي ما تمريض الحضانة بيعمل
اقولك انت عارف الفكرة ف ايه
الفكرة ان انت عندك وريد لو سحبت منه بسرعة ممكن تعمله collapse ويقفل بسرعه وبتحصل معانا كتير يطلع نقطتين وبعدين مفيش فالحل هو ان كل ما كان الوريد رفيع اسحب ببطء شديد وبالفعل ممكن تسحب عشرة سم من مولود
السحب ببطء بس ف تحاليل معينة مش هينفع
11/ بلاش تلعب عربيات وتيجي يمين وشمال انت كدا هتقطع الدنيا جوا
12/ فضل الوريد المرئي المحسوس يليه الوريد المرئي يليه الوريد المحسوس يليه الوريد اللي ف ذاكرتي الاناتومية
13/ متستعجلش وتسحب من ايد ممكن تشوف ايده كلها وافحصها كويس ايوا ايده التلاته لانه مش كبير هتساله انت وريدك الحلو فين
14/ خد وقتك خالص واسحب بعد ساعة من اول مرة ولانك تسحب بعد دقيقتين من المرة الخمسين
15/ السحب للمواليد تلت حاجات توفيق ومهارة وعلم
16/ وانت بتسحب ركزي ف السحب وبلاش «ياتي كميلة ، انييغا ، وودودودود ، ياخلاسي ع العثل ، لا ياعمري متعيطيش ، وتسقف » الحوارات دي الواد هيستعبطنا اصلا المهم ركز انت ف السحب وخلي المساعدة بتاعتك تطلع لسانها ليه تجذب انتباهه
17/ راجع الواد بعد السحب لمدة ربع ساعة بس ياحجة
مكان السحب لسه بينزف، او الواد بقا شاحب ، الواد مش قادر يتنفس
18/ ماتقلقش اوي لو الواد فتح ع الخامس ف البكا كمل عادي اقلق بس لو نفسه اختل غير كدا شكليات
19/ اشمر الكم ولا اقلعه هدومه شوف الأنسب للحال بس خد بالك من تيارات الهوا اقفل شباكك
20/ الإضاءة الإضاءة الإضاءة مهمة جدا ومحدش يتكلم كتير جنبك «براحه ع الواد. ، خد بالك ، حاسب، تعالي يمين تعالي شمال،» ونسيت اقولك هما مرتين تحاول تسحب فيهم غير كدا هات غيرك يحاول
بالنسبة للمواليد
1/ حتة حد كبير يدخل ويشيل المولود والكلام دا وامه جنبه وتعيط عشانه وتقرفك وممكن ما تعرفش تسحب فبلاش ندخل معاه حد، اممممم الكلام دا صح وغلط بص انا رأيي انك تسألها لو هيضايقها منظر السحب تخرج ولو عادي تمام بس لازم حد من أهله يكون موجود ف مكان السحب ويبقى شايفك دي حوار قانوني كدا افرض لا قدر الله الواد توفي اللحظة دي عامة وبيحصل مواقف كتير واللي يعيش ياما يشوف الخلاصة «اللي بيخاف يطلع برا»
2/بلاش حد يشيل المولود ممكن ينام ع تربيزة السحب وناخد بالنا منه ليتقلب
3/ بلاش تسحب للمولود وهو نايم يفضل ترزعه قلمين يصحى علشان ميقومش مفزوع ومتألم كمان صحيه يتألم بس
4/ يفضل يكون واخد رضعة قبلها
5/ اسحب منين معرفش بس المهم تخرج بعيناتك
اعطي اولوية لمنطقة ال cubital ويليها dorsum
6/ اهم نقطة الضغط فوق مكان السحب عشان الوريد يظهر بس متطولش
7/ تاني اهم نقطة شد الجلد تحت مكان السحب عشان الوريد ميلفش
8/ طهر قبل السحب كويس جدا
9/ قبل ما تدخل كن متأكد فوق 70 ان الوريد هيجيب
10/ اكسر السن ولا لا زي ما تمريض الحضانة بيعمل
اقولك انت عارف الفكرة ف ايه
الفكرة ان انت عندك وريد لو سحبت منه بسرعة ممكن تعمله collapse ويقفل بسرعه وبتحصل معانا كتير يطلع نقطتين وبعدين مفيش فالحل هو ان كل ما كان الوريد رفيع اسحب ببطء شديد وبالفعل ممكن تسحب عشرة سم من مولود
السحب ببطء بس ف تحاليل معينة مش هينفع
11/ بلاش تلعب عربيات وتيجي يمين وشمال انت كدا هتقطع الدنيا جوا
12/ فضل الوريد المرئي المحسوس يليه الوريد المرئي يليه الوريد المحسوس يليه الوريد اللي ف ذاكرتي الاناتومية
13/ متستعجلش وتسحب من ايد ممكن تشوف ايده كلها وافحصها كويس ايوا ايده التلاته لانه مش كبير هتساله انت وريدك الحلو فين
14/ خد وقتك خالص واسحب بعد ساعة من اول مرة ولانك تسحب بعد دقيقتين من المرة الخمسين
15/ السحب للمواليد تلت حاجات توفيق ومهارة وعلم
16/ وانت بتسحب ركزي ف السحب وبلاش «ياتي كميلة ، انييغا ، وودودودود ، ياخلاسي ع العثل ، لا ياعمري متعيطيش ، وتسقف » الحوارات دي الواد هيستعبطنا اصلا المهم ركز انت ف السحب وخلي المساعدة بتاعتك تطلع لسانها ليه تجذب انتباهه
17/ راجع الواد بعد السحب لمدة ربع ساعة بس ياحجة
مكان السحب لسه بينزف، او الواد بقا شاحب ، الواد مش قادر يتنفس
18/ ماتقلقش اوي لو الواد فتح ع الخامس ف البكا كمل عادي اقلق بس لو نفسه اختل غير كدا شكليات
19/ اشمر الكم ولا اقلعه هدومه شوف الأنسب للحال بس خد بالك من تيارات الهوا اقفل شباكك
20/ الإضاءة الإضاءة الإضاءة مهمة جدا ومحدش يتكلم كتير جنبك «براحه ع الواد. ، خد بالك ، حاسب، تعالي يمين تعالي شمال،» ونسيت اقولك هما مرتين تحاول تسحب فيهم غير كدا هات غيرك يحاول
No comments:
Post a Comment
اكتب تعليق حول الموضوع