الهلوسة والهذيان
من اهم و أبرز مقومات دراسة حالات الذهان والانسلاخ عن الواقع، هو دراسة الهلوسات و الهذيان...
الهذيان هو عبارة على كلام يصرح بيه الشخص، وين انو الكلام هذا يكون مغاير تماما للواقع المحسوس والملموس، ويكون عندو طابع القدسية عند الشخص، و يكون الهذيان مقترن بشحنة عاطفية كبيرة عند الانسان المريض الي مقتنع تماما انو الهذيان متاعو هو حقيقة مطلقة غير قابلة للنقاش...
الهذيان نكتشفوه اساسا من منطلق معاينة طبيعة الكلام الي يصرح بيه المريض، مضمون كلامو، اهم المحاور الرئيسية، و كيفاش يقوم الشخص بانتاج الهذيان متاعو.
وبش نحاول نختصر قدر الامكان، الهذيان يكون على زوج شاكلات؛ هذيان منظم مسترسل، وهذيان غير منظم و مشوش.
الهذيان المنظم (systématisé ), هو هذيان متناسق و مسترسل و مبني على اسس نحوية و تراكيب لغوية سلسة للغاية، وفيه ترابط منطقي (في الوهلة الأولى ).
الهذيان غير المنظم (non systématisé ) هو كلام داخل بعضو غير متناسق و متداخل كثير وين انو كثير من محاور تبدا مختلطة في بعضها، والجمل تكون مختلطة نحويا وتركيبيا... و المتلقي صعييييب انو يفهم تفاصيل الهذيان هذا.
كيف كيف، الهذيان ينجم يكون محدود ونسبي و يشمل جانب واحد (en segment ) كيما ينجم يكون شامل ومتشعب وين انو الشخص يهذي في كل شيء (en réseau ).
و الكلام هذا يكون عندو ميكانيزمات يستند عليهم المريض بش ينتجلنا الهذيان متاعو، ومن اهم الميكانيزمات، نذكرلكم 3:
1- التأويل (l'interprétation ): وين انو الشخص يعمل تأويل لحاجات واقعية يتلقاها من العالم الخارجي، لكن القراءة متاعو تكون ذاتية ومش موضوعية، ويفسر كل شيء على زي راسو، والاهم من هذا الكل انو مافما حتى شيء يصير بطريقة عبثية وكل شيء عندو علاش...
2- التوهم (l'illusion ) و التخيل (l'imagination): الشخص يتوهم اشياء موجودة، في حين انو الي يتوهم فيه الكلو ماعندو حتى وجود وماعندو حتى مكان...و الشخص في الحالة هذي يهذي باشياء يعتبرها واقع عيني لا غبار عليها.
3- الاحساس (l'intuition ): وين انو المريض ديما يحس انو المنبهات القادمة من العالم الخارجي تكون موجهة ليه من قريب او من بعيد، والاحساس متاعو يكون بمثابة الحقيقة الي يستسلملها دون البحث عن تبرير للشعور وللاحساس متاعو، والمهم انو الي يحكي فيه حقيقة لا اكثر ولا اقل...
والهذيان فيه محاور معينة تعكس المنظومة العقلية والنفسية والمخاوف الي يعيشها الانسان المريض، وابرز المحاور نختصر بذكر:
1- هذيان الاضطهاد و المؤامرة (délire de persécution ): هو هذيان يغلب عليه الشعور بالظلم والقهر والاضطهاد من طرف الناس المحيطة بالمريض، والافراد الكل تتآمر عليه وتحب تقضي عليه و تحطموا...
2- هذيان المجد والعظمة و الكبر (délire de ...grandeur, délire de mégalomanie ), وين انو الشخص يشوف روحو اعظم انسان وما كيفو حد وحتى واحد ما ينجم يوصلو...
3- هذيان الاسطورة (mythomanie ): الشخص يبدا يرى في نفسو بمثابة النبي المبعث او المنقذ المخلص للبشرية، او ملاك او روح... المهم هو كائن ليس من سنخ البشر وتنجم توصل بيه الحالة انو يرى روحو بمثابة الاله...
4- هذيان توهم المرض (délire hypocondriaque): الشخص هنا ديما يرى روحو مريض بالامراض الكل، النفسية و الروحية و العضوية، وديما لازمو دوايات لكل مرض،
5- هذيان التسلط و التسيير (délire d'influence ): هو هذيان يكون فيه الشخص مسير و مجبور وماعندوش سلطة على افكارو وكلامو و قراراتو، وهو ضحية تسلط الافكار عليه...
وبش نختم، الهذيان ينجم يكون مرفوق بالهلوسات، الي هي عبارة على ادراكات لاشياء لا وجود لها على ارض الواقع، والادراكات الحسية هذي، تكون على شاكلتين:
1- هلوسة حسية (hallucinations sensorielles) وهي عبارة على هلوسات سمعية او بصرية او حسية (عن طريق اللمس) او عن طريق حاسة الشم...
2- هلوسات نفسية (hallucinations psychiques) وهي عبارة على اصوات تسكن في راس الانسان المريض.
والخطير في هذا الكل، انو الانسان المريض ينجم يتعدى مباشرة للفعل او ما يعبر عنه باللغة الفرنسية (passage à l'acte ), وين انو قادر يقتل روحو والا يقتل شخص او اشخاص محيطين بيه، وهذاك علاش لازم تدخل عاجل لاهل الاختصاص .
نكتفي بالقدر هذا، ولو انو كثير من معلومات اساسية ما ذكرتهاش، مراعاة للاختصار.
من اهم و أبرز مقومات دراسة حالات الذهان والانسلاخ عن الواقع، هو دراسة الهلوسات و الهذيان...
الهذيان هو عبارة على كلام يصرح بيه الشخص، وين انو الكلام هذا يكون مغاير تماما للواقع المحسوس والملموس، ويكون عندو طابع القدسية عند الشخص، و يكون الهذيان مقترن بشحنة عاطفية كبيرة عند الانسان المريض الي مقتنع تماما انو الهذيان متاعو هو حقيقة مطلقة غير قابلة للنقاش...
الهذيان نكتشفوه اساسا من منطلق معاينة طبيعة الكلام الي يصرح بيه المريض، مضمون كلامو، اهم المحاور الرئيسية، و كيفاش يقوم الشخص بانتاج الهذيان متاعو.
وبش نحاول نختصر قدر الامكان، الهذيان يكون على زوج شاكلات؛ هذيان منظم مسترسل، وهذيان غير منظم و مشوش.
الهذيان المنظم (systématisé ), هو هذيان متناسق و مسترسل و مبني على اسس نحوية و تراكيب لغوية سلسة للغاية، وفيه ترابط منطقي (في الوهلة الأولى ).
الهذيان غير المنظم (non systématisé ) هو كلام داخل بعضو غير متناسق و متداخل كثير وين انو كثير من محاور تبدا مختلطة في بعضها، والجمل تكون مختلطة نحويا وتركيبيا... و المتلقي صعييييب انو يفهم تفاصيل الهذيان هذا.
كيف كيف، الهذيان ينجم يكون محدود ونسبي و يشمل جانب واحد (en segment ) كيما ينجم يكون شامل ومتشعب وين انو الشخص يهذي في كل شيء (en réseau ).
و الكلام هذا يكون عندو ميكانيزمات يستند عليهم المريض بش ينتجلنا الهذيان متاعو، ومن اهم الميكانيزمات، نذكرلكم 3:
1- التأويل (l'interprétation ): وين انو الشخص يعمل تأويل لحاجات واقعية يتلقاها من العالم الخارجي، لكن القراءة متاعو تكون ذاتية ومش موضوعية، ويفسر كل شيء على زي راسو، والاهم من هذا الكل انو مافما حتى شيء يصير بطريقة عبثية وكل شيء عندو علاش...
2- التوهم (l'illusion ) و التخيل (l'imagination): الشخص يتوهم اشياء موجودة، في حين انو الي يتوهم فيه الكلو ماعندو حتى وجود وماعندو حتى مكان...و الشخص في الحالة هذي يهذي باشياء يعتبرها واقع عيني لا غبار عليها.
3- الاحساس (l'intuition ): وين انو المريض ديما يحس انو المنبهات القادمة من العالم الخارجي تكون موجهة ليه من قريب او من بعيد، والاحساس متاعو يكون بمثابة الحقيقة الي يستسلملها دون البحث عن تبرير للشعور وللاحساس متاعو، والمهم انو الي يحكي فيه حقيقة لا اكثر ولا اقل...
والهذيان فيه محاور معينة تعكس المنظومة العقلية والنفسية والمخاوف الي يعيشها الانسان المريض، وابرز المحاور نختصر بذكر:
1- هذيان الاضطهاد و المؤامرة (délire de persécution ): هو هذيان يغلب عليه الشعور بالظلم والقهر والاضطهاد من طرف الناس المحيطة بالمريض، والافراد الكل تتآمر عليه وتحب تقضي عليه و تحطموا...
2- هذيان المجد والعظمة و الكبر (délire de ...grandeur, délire de mégalomanie ), وين انو الشخص يشوف روحو اعظم انسان وما كيفو حد وحتى واحد ما ينجم يوصلو...
3- هذيان الاسطورة (mythomanie ): الشخص يبدا يرى في نفسو بمثابة النبي المبعث او المنقذ المخلص للبشرية، او ملاك او روح... المهم هو كائن ليس من سنخ البشر وتنجم توصل بيه الحالة انو يرى روحو بمثابة الاله...
4- هذيان توهم المرض (délire hypocondriaque): الشخص هنا ديما يرى روحو مريض بالامراض الكل، النفسية و الروحية و العضوية، وديما لازمو دوايات لكل مرض،
5- هذيان التسلط و التسيير (délire d'influence ): هو هذيان يكون فيه الشخص مسير و مجبور وماعندوش سلطة على افكارو وكلامو و قراراتو، وهو ضحية تسلط الافكار عليه...
وبش نختم، الهذيان ينجم يكون مرفوق بالهلوسات، الي هي عبارة على ادراكات لاشياء لا وجود لها على ارض الواقع، والادراكات الحسية هذي، تكون على شاكلتين:
1- هلوسة حسية (hallucinations sensorielles) وهي عبارة على هلوسات سمعية او بصرية او حسية (عن طريق اللمس) او عن طريق حاسة الشم...
2- هلوسات نفسية (hallucinations psychiques) وهي عبارة على اصوات تسكن في راس الانسان المريض.
والخطير في هذا الكل، انو الانسان المريض ينجم يتعدى مباشرة للفعل او ما يعبر عنه باللغة الفرنسية (passage à l'acte ), وين انو قادر يقتل روحو والا يقتل شخص او اشخاص محيطين بيه، وهذاك علاش لازم تدخل عاجل لاهل الاختصاص .
نكتفي بالقدر هذا، ولو انو كثير من معلومات اساسية ما ذكرتهاش، مراعاة للاختصار.
No comments:
Post a Comment
اكتب تعليق حول الموضوع