يلا انصبت بجدري الماء بصغرك اتطمن و ريح حالك ما عاد بترجع تنصاب فيه

 

الجملة الذهبية يلي أغلبنا سمعها هو و صغير  ، بس وين المفاجأة يا حزركم ??

هاد ممكن الفيروس يلي بسبب الجدري يساويلنا مفاجأة بعد كم سنة ويسببلنا مرض تاني  

اي اي مرض تاني لا تستغربوا  

المرض هو   الحزام الناري  Herpes Zoster 

 الحزام الناري هو مرض  فيروسي  جلدي يظهر على شكل  طفح جلدي في ناحية واحدة من الجسم ويمتد بعدها في الجسم ( لكن غالبا يكون الانتشار على الجذع يمتد على الناحية الصدرية بشكل حزام ) 

  طيب شو سبب هالمرض ??  

المرض هاد بصير نتيجة إعادة  تنشيط فيروس  الحماق النطاقي (VZV) و هو نفس الفيروس يلي بسبب  جدري الماء 

 أيواا كيف صارت هي  

رح نخبركم ، هاد بعد ما ينصاب الشخص بجدري الماء الفيروس المسبب للمرض بضل موجود بالجسم بس بحالة خمول ( ينتقل إلى الأنسجة العصبية بالقرب من الحبل الشوكي والدماغ ) 

فالفيروس (VZV) ممكن يرجع  ينشط بعد فترة من الزمن وينتقل عبر  الألياف العصبية إلى الجلد ويسبب مرض الحزام الناري . 

  كيف بتظهر علامات هاد المرض   ?? 

منلاحظ حدوث احمرار في الجلد مع ظهور بثور  حكة   اضطراب في المعدة   ألم حاد وحارق  وخز في الجلد أو تحته   صداع 

▫️من الممكن أن يؤدي  ضعف جهاز  المناعة إلى إيقاظ الفيروس  الحالة النفسية   الإصابة بالسرطان أو أي مرض آخر يضعف المناعة   تناول  المنشطات على المدى الطويل

 بشكل عام الإصابة بهذا المرض  نادرة للأشخاص يلي أعمارهم  أقل من 40 عاما ، والنساء  أكثر عرضة للإصابة من الرجال  

 ممكن المريض المصاب بالحزام الناري إنو يعدي غيره   ?? 

  اي ممكن كتير ، بس بينتقل للأشخاص يلي ما انصابوا بجدري الماء سابقا .

  شو مضاعفاته ?? 

 الألم  العصبي هو الأكثر شيوعا و ممكن يستمر بالمنطقة يلي ظهر فيها الطفح لأكثر من 90 يوم 

 التهاب الدماغ أو  شلل الوجه إذا كان يؤثر على أعصاب معينة 

 مشاكل في  العين وفقدان البصر إذا كان الطفح الجلدي في العين أو حولها 

   كيف منعالجه   ?? 

ممكن استخدام الأدوية  المضادة للفيروسات ، بتكون فعاليتها  أكبر إذا تم أخذها خلال 3 أيام من بداية ظهور الطفح الجلدي ، ومن هي الأدوية : 

✔️ أسيكلوفير ( زوفيراكس ) 

✔️ فامسيكلوفير ( فامفير ) 

✔️ فالاسيكلوفير ( فالتريكس ) 

✔️ وممكن استخدام  الكمادات الباردة لتقليل الإحساس بالألم الحارق .