علاج خشونة …. 

هو علاج السمنة والوزن الزايد .. دي مافيهاش فصال .. كل ما دهون جسمك موجودة هي مابتتسندش غير على عظامك ومفاصلك .. يعني علاج ٢ x ١ .. 

طيب نبدأ نقول ممكن نستخدم إيه من صيدلية أعشاب بيتنا يساعد بنزين الأدوية يجري في مفعوله ؟ وبالمناسبة لو مش معاك دواء بالبلدي كدة (يجيبلك من الآخر) حل المشكلة هتقعد كتير .. أنا مش بحبطك أنا بشجعك لو لسه مابدأتش .. 

١- لبان الدكر : مُسكن قوي وآمن عشان الخشونة ماتعطلكش .. 

٢- الكرنب : فاكرين الوصفة دي ؟ بنجيب قطع منه نلفه حوالين الركبة ونخليه ساعتين ،، ساعتها قولنا الدراسة أكدت إن ٤ أسابيع إلتزام بالوصفة دي هتخلي الألم يروح عشان تعالج الخشونة من غير تعب ..

٣- الرمان : بيقوي العضلات في العموم حتى لو مفيش خشونة ،، ما بالك لو فيه .. 

٤- القرفة : ألتهاب المفاصل وتنشيط الدورة الدموية ..

٥- الحلبة : مسكن عام للجسم كله ،، يعني كدة كدة هو معانا ..

٦- الشاي الأخضر : منه فيه ،، بيخسس ،، ومفيد للطقطقة والألتهاب ..

٧- السمسم : عالي الكالسيوم ومفيد للخشونة،، وفيه حاجة بتنافسه وهي قشر البيض كمان .. وأنت محتاج كالسيوم يشد عظامك ..

٨- التفاح : طبيبك اليومي لصحتك .. 

٩- حب الرشاد : مظلوم وسط الناس إنه مابيعملش حاجة ، طب ما إحنا اللي بناخده من غير لبن عشان يدوب في الكالسيوم ويطلعلنا النتيجة الصح ..

١٠- واللي حبيت أختم بيه ،، ملك علاج المفاصل ((الكركمين)) ،، أكتر من ٢٤٠٠ دراسة معظمهم عن أهميته للمفاصل ،، وعلاج دهون الكبد اللي عملت سمنة فـ أثرت على المفاصل ،، من أول فمك لحد رجلك هو ماشي يصلح .. 

نصيحة كل يوم : خسس جسمك وماتكسلش وأنا قولتلك إمبارح تعمل إيه ، آلام مفاصلك وظهرك بعدين هتبقى لا تُحتمل ، خلي عندك إرادة وعالج المرض مش العرض ..