Blood film with neutrophilia ! 

ده شكل الفيلم بتاع الدم Rbcs"  الي باللون البنبي " اما الموف دي فهي نوع من خلايا كرات الدم البيضاء اسمها neutrophils الي موجوده في الفيلم ده دلوقتي زياده عن المعدل الأساسي بتاعها للإنسان الطبيعي فلما بتزيد عن الطبيعي بتسمي neutrophilia ولما بتقل عن الطبيعي بتسمي neutropenia

خلايا neutrophils دي من اكتر الخلايا للجهاز المناعي الي لو لمحت بس أن ف عدوي أو فيروس أو بكتريا أو خلايا سرطانيه عندك ف جسمك بتجري وتروح له وتزود ف عددها عشان تناسب العدوي الي عندك لأنها لما بس بتشوف بكتريا أو فيروس بتبلعه فعلا بالمصطلح ده وتهضمه وتموت هي بعده فعشان كدا دي تعتبر من أجمل الخلايا للجهازك المناعي الي بتموت نفسها عشانك 

يبقي لما تزيد عن الطبيعي ويسموها neutrophilia يبقي معني كدا أن جسمك فيه عدوي أو بكتريا أو فيروس أو اي حاجه غريبه عن الجسم حتي لو جرعه سم وهي بتزيد عشان تدافع عنك فده بيكون مؤشر أن جسمك فيه حاجه غريبه ، وطبيعي لما بتعرف سبب ارتفاعها إن عندك فيروس أو بكتريا بتتعالج وبتخف وتبقي كويس بعد فتره .

أما لو قلت عن الطبيعي neutropenia فده مش حاجه حلوه خالص ولا أنها بتؤشر لوجود عدوي وتختفي بعد فتره لما تتعالج لا دي ممكن تكون مؤشر أن ف كانسر او ف فشل ف وظيفه النخاع الي مسئول عن إنتاج الدم نفسه وكل ده بيكون مشاكل مصاحبه للمريض طول حياته .

لو عايز تعرف مستوي neutrophil بتاعتك عامل ازاي اعمل تحليل صوره دم كامله مع blood film   أو صوره دم بس وهتعرف عددها كام وطبيعي ولا لا .