لو بتعاني من حموضة متكررة، أو ارتجاع مريء

أولًا: أعرف إزاي إن عندي ارتجاع مرئ ؟

⁦  حرقان في الصدر بعد الأكل المسبك، وبيزيد في الليل.

⁦ ⁩ وجع مستمر في الحلق، ومعاه كحة ناشفة. 

⁦ صعوبة في البلع لفترات طويلة، من غير دور برد. 

⁦ ⁩ طعم حامض أو مر في الفم.

لو بتشتكي من أي عرض من دول، أو أكتر من عرض، واتكرر مرتين في الأسبوع أو أكتر، ولمدة تزيد عن ثلاث أسابيع= يبقى لازم تزوري الدكتورة بتاعتك. 

وعلشان نبدأ علاجنا صح، يبقى لازم نغير طريقة الأكل بتاعنا. 

وفيه قائمة للمنوعات، ومفيش حاجة اسمها مرة من نفسي. 

ممنوع:

   النوم بعد الأكل مباشرة، خلي فيه فاصل ساعتين. 

   الاكل المسبك، والمقلي في الزيت أو السمنة. 

   الشيكولاتة، والشيبسي والمواد الحافظة. 

   الشاي، والقهوة، والنسكافيه، والينسون، والنعناع.

   جميع المسكنات، ماعدا paracetamol زي البنادول.

  الشطة والمخللات، والأطعمة الحمضية زي الطماطم والكاتشب.

وعلشان أقلل الأعراض:

 لو وزنك زيادة حاولي تنزليه؛ لأن فيه دراسات كتير بتربط بين تقليل الوزن وعلاج الارتجاع.

  ممارسة الرياضة بشكل يومي مفيد جدًا. 

  النوم بعد الاكل على الأقل بساعتين. 

  رفع الرأس على مخدة أثناء نوم.

  المضغ الجيد، وشرب الماء بشكل منتظم طول اليوم. 

وطبعا لابد من الدواء، ودا أنواع كتير على حسب الحالة، وتقييمي لها كطبيبة.

ممكن نبدأ بمضادات الحموضة زي Gaviscon. 

خلي بالك إن Zantac بقى ممنوع خلاص، بعد تعليمات منظمة الصحة والدواء. 

ممكن ناخد مكانه Famotin قبل الفطار والعشاء بربع ساعة، وفيه منه تركيزين، على حسب احتياج الحالة. 

وممكن نحتاج لدواء أقوى زي مجموعة PPI، ودي لها مسميات كتير في السوق؛ منها Napizole وOmez وغيرهم. 

لكن ضروري ما تستخدميش أي دواء غير بعد الكشف وتوصية الدكتورة.