كيف تختار دواء الحموضه اللي يمشي معاك ؟
عندنا نوعين من الادويه:
نوع يتفاعل مع الحمض
ونوع يقلل إفراز الحمض من الأساس
النوع الأول هو :
تركيبته قاعدية ، وفي الكيمياء القاعدة ضد الحمض ولهذا حتكون أكيد:
__أسرع الأدوية من النوع الثاني
__ مفعوله وقتي طول
__لكن مفعوله ما يقعدش واجد ، ومصنف ضعيف ،بمعنى وقت الحاجة بس ، وبعدها تعاود عند اللزوم حتى بعد كل وجبة
__ الفريق هذا زي فوار الفواكه و ياخدوه الناس السليمة ...وممتااااز جدا..
بس لأن جماعة الضغط والحمل مايقدروشي لان يحتوي علي بيكربونات الصوديوم زي ما قلنا في منشور سابق فغيروا التشكيلة ...... ونزل gaviscon و Rennie او حبوب المص
النوع الثاني :
منع إفراز الحمض
هذا علاجي ... يا بيمنع إفراز الحمض في المعدة زي راني فوار و غيرها ☝️
أو يمنع ضح البروتون، ومايتصنعش الحمض زي اوميبرازول و النيكسيوم و غيرها
مشكلته النوع هذا أنه بطيئ، و يبي نص ساعة أو أكثر عشان يبدأ المفعول متاعه .
ولكن مفعوله طويييل ، ويقعد 12_24ساعة كمفعول علاجي وهذا سبب تفضيله ع النوع الأول
يعني يأخذه اللي عنهم حموضة حادة ، والمتكررة ديما ... بس بشرط:
__ تؤخذ لفترات مؤقتة ، وبكورس علاجي تام .
وماينفعش ديما ، أو طول رمضان ،لأن كثرتهم تضر الكبد والكلى ،
__بعضهم عنده آثار جانبية ، وبعضهم عنده تفاعلات دوائية
__أغلبهم آمن في الحمل ، ومرضى الضغط
Comments
Post a Comment
اكتب تعليق حول الموضوع