,ازاي تعرف الدواء قبل الاكل او بعد الاكل

 Time of drug administration and food 

 في البداية عاوزين نقول أن توقيت اي دواء مهم جدا .لأن في ادوية بتتأثر بالاكل وفي ادوية بتأثر عالمعدة.وفي ادوية بتحتاج معدة فاضية علشان تشتغل .

طيب ناخد شوية ثوابت كده بس بردوا كل قاعدة وليها شواذ.

 1. المسكنات ومضادات_الالتهات والروماتيزم وأدوية نزلات البرد وادوية الكحة و الكورتيزون

 (الادوية دي بتتاخد بعد الاكل)

Ex:

 NSAIDs 

(anti inflammatory. Analgesics) 

 burfen

 Cataflam

 olfen

 ketofan

 Cox 2 inhibitors 

 feldene

piroxicam 

 Xefo

lornoxicam 

طبعا دي تأثيرها عالمعدة اقل لكن بردوا بتستعمل بعد الاكل

 common cold drugs:

طبعا الادوية دي بيكون في تركيبتها مسكنات وخافض للحرارة علشان كده بردوا بعد الاكل

 comtrex.

 power cold.

 congestal........

 corticosteroids :

 Prednisolon

 hostacorten. solupred..... Dexamethason

 deltason. dexazon.......

الكورتيزونات عموما بعد الاكل لانها بتعملGIT upset محترم

علشان كده بالمرة الناس اللي بتحشر الدلتازون اقراص في تركيبات فاتح الشهية يتقوا ربنا هتدمروا معدة الناس ناهيك عن الside effects الكتيرة التانية.(الكورتيزون هيخرم الاوزون. 

وبالنسبة لافضل جرعة للكورتيزون المفروض تكون الصبح لأن تركيز الendogenous بيزيد الصبح بيصحى بدري مش زينا..

 cough drugs:

في ادوية كحة  herbal مش فارقة كتير والافضل بعد الاكل بردوا.لكن هنا هانبه على الادوية اللي فيها حاجات mucolyticسواء  aloneزي ال acetylcystien sach مثلا او الmucosol .cap.syp  ..

او لو حاجاتcombinationزي

 mucophylline  

 allvent

وغيرهم لازم تكون بعد الاكل لأن لو اخدناها على معدة فاضية هتاكل في جدار المعدة اللي هو اصلاmucousخ  membrane😬

 طيب دي القاعدة فين الشواذ؟

 خد عندك 

 Alphintern

 ambezym

 flamogen

 megalase

 newbezyme

 maxilase syp..

الادوية دي فيهاdigestive enzymes زي تربسين وكيموتربسين وظيفتها مضاد للالتهاب والتورمات..الادوية دي محتاجه معده فاضيه مش بتحب وجع الدماغ عاوزه جو رايق لان الاكل ممكن يأثر على مفعولها وممكن بعضهم يهضم في البروتينات اللي في الاكل .وضيف معاهم كمان الريباريل ق كده غلاسه من عندي معلش .وكمان بالمرة  حقن الفاكيموتريسين 

نسيت اقول لحضراتكم أن الالفنترن واخواته

 Enteric coated tab 

يعني بتدوب في الامعاء علشان ما تعملش مشاكل مع الاكل

علشان كده الحاجات دي يفضل تستخدم قبل الاكل بساعة عالاقل..

 GIT DRUGS

زي مااحنا متعودين أننا نحاول نثبت قاعدة 

 غالبية ادوية الجهاز الهضمي بتكون قبل الاكل من ربع ل نص ساعة :

 antiemetic.prokinetics.appetizers 

 زي مثلا ال

 domperidon"

motillium;motinorm;gastromotil"

 itopride

"garopride;itomash; ganaton.

 trimebutine"gast reg"

حبيب قلبي الدواء ده عامل زي الراجل اللي بيشغل الفرقة الموسيقية بيعرف يظبط الايقاع أهو ده بيظبط الtone بتاع ال GIT.

الادوية دي طبعا بتكون قبل الاكل وخد عندك 

 PPIs

 Omeprazol

 pantazol

 esomeprazol

دول بيشتغلوا على معدة فاضية وعلشان كده شخصيا مش بحب الhelicureوالpeptic careلأن بيقولك يفضل اثناء الوجبات علشان كده ال- trio clarاحسن لانه كل مادة لوحدها

Omeprazol قبل الاكل 

Klarithromycin .tinidazolبعد  الاكل

وخلي بالك ما تكتبتش الppisدي في نفس وقت الH2  blockersلا خلي مثلا  الH2-blockers   قبل العشاء والPPIsقبل الفطار 

امثلة H2blockers  

 zantac(ranitidine)(اتسحب م السوق)

 Antodin (famotidine)

 Nitatect ( nizatidine)

طبعا دول قبل الاكل بربع ساعة

اضف الي ذلك 

  antispasmodic

بوسكوبان ومهم نعرف أنواعه

 buscopan عادي(hyoscine)

 buscopan compositum (hyoscine+dipyrone)

 buscopan plus

( hyoscine +paracetamol)

وطبعا ادوية المغص كتيرة وغالبهم قبل الاكل بنص ساعة.

وخلي بالك من الcoloverin   وانواعه وكل نوع لايه؟

Home work .

 laxatives 

الملينات برضه قبل الاكل 

لكن ليه بيتكتب قبل النوم؟

الشاهد ببساطة قبل النوم علشان المفعول يكون في الصباح كويس.

وهنا ماينفعش ننسى عم الكل

 Lactulose.

وماننساش دوره المهم في غيبوبة الكبد.وده دورك كصيدلي ان مش اي حد بياخدلاكتيلوز علشان الامساك.

طيب معلش هو الlactulose بيعمل ايه في غيبوبة الكبد؟

بص ياسيدي اللاكتيلوز بيشبط مع الامونيا NH3ويحولها ل NH4 ammonium ودي صورة ماتقدرش ترجع للدم تاني وبالتالي بيقلل تركيز الامونيا في الدم .

لكن خلي بالك هنا نحتاج تركيز عالي شويه من الدواء علشان كده بيتكتب 4مرات في اليوم .

نرجع تاني لموضوعنا بسرعة

..اللاكتيلوز ده آمن في الاطفال والحوامل ..

....أمثلة لبعض الملينات.....

 Nassar. .

 purgaton...

 minalax

 picolax dp...