نفسية الاطفال والحجر المنزلي

  نفسية الاطفال والحجر المنزلي

 الحلول

اكثر العوائل تعاني من نفسية الاطفال والكبار من الحجر المنزلي ... وهذا يحتاج تعاون الجميع لعبور هاي الازمة ...

بعض الحلول المقترحة ... 

1. اول نقطة نحجي وايا الاطفال هًواي ونحاول نفهمهم بطريقة بسيطة شنو الي دا يصير وليش الحجر وليش هاي أساليب الوقاية .

2. نجاوب كل أسئلتهم و مخاوفهم مهما إتكررت و نطمئنهم مدام احنا ملتزمين بطرق الوقاية معناها احنا بأمان.

3. نحاول تجنب الكلام عن مستجدات الأمور مثل عدد الحالات والوفيات كدام الأطفال ... لان مهما حسيتوا الأطفال ما منتبهين بس همه يسجلون الكلام ويطلع تاثيره السلبي على تصرفاتهم بعدين .

4. استمروا  بالتواصل  مع أفراد العائلة اللي الأطفال  يحبوهم و مع أصدقائهم و الإطمئنان عليهم بصورة يومية عن طريق التليفونات و الفيديو كول .

5. الالتزام بنفس الروتين اليومي مثل مواعيد النوم والكعدة و الأكل و القراءة و النوم لان هذا الروتين راح يحسسهم بالأمان .

6. لازم تكونون قدوة الهم بالتعامل مع القلق و الضغط وتحافظون على هدوئكم ... لان بالأخير همه راح يقلدوكم..

7. اللعب .. اللعب ..ثم اللعب... خلي الاطفال يفرغون طاقتهم و ياريت تخلون جزء من وقتكم لمة حلوة وسوالف مشتركة وتأكلون سوة وتحجون قصة سوه وغيرها من الأجواء الأسرية السعيدة الي تقلل من التوتر والقلق .

8. خلي يطلعون لحديقة البيت او البلكونة او حتى بباب البيت اذا الشارع فارغ ومابي احد .

9. أتجنبوا الأكلات الي تسبب فرط النشاط والأرق وتقلل المناعة وخصوصًا الحلويات والسكريات .

10. اهم نقطة وأكثرها فعالية ... انتبهوا للام وراعوا نفسيتها لان هي عمود البيت وداينمو السعادة ومراح يكون البيت سعيد اذا ما كانت هي سعيدة ... سعادتها وراحتها هي سر الراحة النفسية بالبيت ...