الرضاعه الصناعية كمساعد للرضاعه الصناعيه

 

الكثير من الأمهات و بالاخص الزميلات من الطبيبات و الامهات العاملات خارح المنزل مضطرات لترك الطفل مبكرا و حابه تنطيه رضاعة صناعية فكيف نعلمه 

الكم الخطوات ال 10 : 

1. انتظري شكد ما تكدرين على الرضاعه الطبيعيه 

يعني ماكو  داعي ابدا لموضوع تنطيه رضعه صناعية من البدايه حتى يتعود لا العكس هو الصحيح انتظري  

على أقل تقدير يحتاج إلى 3 اسابيع و إذا كدرتي تاخرين للشهرين يكون احسن 

ابنك يعرف الفرق بين الرضاعه الطبيعية و الصناعية من أول يوم و راح يترك الطبيعي اذا جرب الصناعي 

2. خلي غيرك يرضع الطفل صناعيا يعني والد الطفل مثلا أو المربية 

3. دفي حلمة الرضاعة الصناعية و انطي الشخص اللي يرضع ابنك صناعيا عطرك أو ملابسك يعني اخلقي جو مناسب يشبه الطبيعي 

4. بدلي مكان الطفل يعني مثل ما ترضعيه طبيعي مره يصير طفلك على اليمين و مره ع اليسار سوي نفس الشي  

5. التربيت على الظهر بنص الرضعه كلش ضروري و هذا من خبرتي انه اللي يرضع صناعيا تصير عنده غازات معده أكثر و راح يشبع اسرع و يصير عنده الم ببطنه فلا تنسين تربتين على ظهره 

6. رضعيه بمكان هادي و بمكان بيه ضوضاء بين قوسين غيري الأجواء دائما اله 

7. رضاعة الليل أصعب ما في الموضوع ممكن اساعدك بفقط شي واحد انه بعد ما تغلين المي خلي المي بالترمس المخصص لهذا المي فقط فقط فقط 

8. لازم تدخلين والد الطفل بالموضوع و أنه يبدي يرضع الطفل صناعيا 

9. لا تركزين شكد يرضع ابنك الأهم انه دا يكبر و ينمو حجيناها ببوستات سابقة 

10. و أخيرا  استخدمي حجم الممه المناسب لطفلك 

يعني مو كلش صغير أو كبير و اكو قسم من حلمات الرضاعة جاهزه لكل عمر 

لسهولة لازم من تكلبين المميه ينزل الحليب قطرة قطره 

و تبقى الرضاعة الطبيعية هي الاحسن و الأكثر ملائمة الك و لطفلك 

د. احمد عدنان العجرش اخصائي طب الاطفال  واختصاص دقيق في امراض الكلى