تسلخات الحفاظ
نأخذها من الاول وحده وحده
عندك طفل جديد وتريدين
تحميه من التسلخات ؟؟
١- نوع حفاظة يكون جيد( لحد يسألني شنو احسن نوعية إنتوا تعرفوها اكثر مني )
٢- تغيير الحفاظات باستمرار (ماكو شي اسمه ننتظر عليه ) ومع كل حمام نشطف الطفل بالماء جيدا.. والاهم التجفيف مهم جدا جدا بمنشفه قطنيه
٣- التهويه ولو ل٣٠ ثانيه في جو الغرفة ..وهذا لان معظم بكتيريا التسلخات تعيش في عدم وجود الهواء ...والتهويه تقلل وجودها☑️
٤- استخدام كريم مرطب يحتوي علي زنك بعد كل مرة حمام افضلهم من وجهة نظري
سودوكريم او زنك عادي ... وزيت الزيتون والفازلين الطبي رائعين
٥- عدم استخدام الويبس (المناديل المرطبه) وتركها افضل كثييييييرا واستخدامها في اضيق الحدود وتكون بدون كحول ولا معطرة
سوينا كل هذا وصار تسلخات ...شنو الحل ؟؟
نغير نوع الحفاضه اذا الالتهاب متكرر مع التعليمات السابقه من تهويه وتجفيف مع المرطبات ...
زين شنو النوع الاحسن من الحفاظات ؟؟
المتناسب مع جلد ابنك هو
الزين وخلي من الانواع المشهوره وبس... وبدون انواع الحفاظات مجهوله الهوية
سوينا كل هذا وهم ماكو نتيجة؟؟
اكًو شي لازم تعرفوه بالاول ...
مو كل التسلخات يعني لازم كورتزون
الراعي الرسمي للتسلخات في العراق والدول المجاورة
لان نسبة الكورتيزون الموجودة في اغلب الأنواع عالية وبعض الاحيان يوصفها الطبيب مرة وحدة واكو امهات هوااااااي للاسف يبقون يستخدموه لفترات طويله والطفل يصير عنده علامات من جوا او يسوي مشاكل بلون الجلد نفسه (بقع) او يؤثر على عمل الغدد والهرمونات ...
اول شي لازم نعرف
اكو التهاب بكتيري يحتاج مضاد
حيوي فقط مثل فيوسيدين او فيوسيدرم
واكو التهاب يحتاج لمضاد فطري فقط مثل الفيوجدين او نستاتين ...
اما الكورتيزون في هذه
الحالات ممكن يجيب نتيجه عكسيه...
لكن اكًو حالات تحتاج بالفعل لكورتيزون موضعي ولكن لفترة لا تزيد عن ٥ ايام ونوصي الام اذا اتحسن قبلها توقفه
والتشخيص طبعا من خلال الطبيب المعالج بالفحص
النصائح المطلوبه في حالات الالتهاب الشديد عموماً
نخلي استخدام المي مو اووفر يعني بالمعقول مجرد على قدر التشطيف وننشف الجلد بمنشفة قطنيه وممنوع وايبس ( مناديل مرطبة) ولا صابون تماما حتي لو خاص بالبيبي
*نعمل طبقة عازله بين الجلد والحفاضه لتقليل الاحتكاك بزيت زيتون او فازلين طبي او كريم يحتوي علي زنك مثل سودوكريم وزنك اوليف....ومرهم (ميبو) نتيجته رائعة وهو اعشاب وماكو اي أضرار منه ا
لو استخدمنا كورتيزون موضعي يكون لفتره لا تزيد عن ٥ ايام
اخر شي
اثناء الاسهال الشديد غالبا تصير تسلخات بشعه (مثل التقرح) وهاي تتحسن بتوقف الاسهال وتصير نتيجة نقص الزنك مع الاسهال
حلها؟؟
الطفل لازم ياخذ زنك شراب
مع كريم زنك موضعي مثل زنك اوليف او سودوكريم
وفي الحالات هذه مرهم (ميبو) شغله كلش زين لان يصلح الانسجه الملتهبه وهذا طبعا مع التهويه والتجفيف المستمر
زين شنو نسوي اذا كل هذا والالتهاب متكرر ؟؟
لازم نستبعد حساسية الحليب البقري
اذا عمر الطفل اقل من سنه
Comments
Post a Comment
اكتب تعليق حول الموضوع