فيه ناس خزنت بعض اللحوم في اطباق بلاستيك او علب تلاجة لساعات قليلة ع الرف واتفاجئوا ان لون اللحم والدهن بقي اخضر او ظهرت اجزاء خضراء او داكنه علي اللحم شبه الصورة دي ...
اقولك ليه
معظم البلاستيك الملون بالذات دا بيكون مصنع من اعادة تدوير البلاستيك المستعمل زي مثلا زجاجات زيت التموين وبعض المواسير البلاستيك ..ودي بتتصنع اساسا من مادة ال بولي ايثلين و ال بولي فينيل كلورايد مع اعادة تدويرها ببعض النفايات البلاستيكية الاخري والمادة دي تعتبر مادة سامة ..صعب اني استعملها في حفظ الفراخ او اللحوم والاسماك. يعني البروتينات الحيوانية بالذات
زي بالظبط الاكياس السوداء البلاستيك ..زي اكياس👆 القمامة كدا ..واللي ريحتها بتبقي فعلا صعبة جدا
البلاستيك ..ده بيتفاعل مع اللحوم عند التخزين وتحدث عملية اكسدة لنوع من بروتينات اللحم اسمه الميوجلوبين ودا المسؤول عن اللون الطبيعي للحم بشكل يتسبب في حدوث خلل في عملية الاصباغ باللحم وينتج اللون الاخضر ده .بس مش اللون لوحده علامه فساد اللحم يعني لو اللون بس اتغير لكن باقي علامات سلامة اللحم متوفرة زي ريحة عادية وملمس خشن مش لزج ونزف خالص من اي دم ..وقتها هتخلص من الاجزاء دي بس واكل اللحم الباقي ..انما لون اتغير مع ريحة كريهة مع لزوجة بملمس اللحم مع وجود دم بين العضلات مع سوء التخزين ..باستعمال اكياس بها هواء يعني فيه اوكسجين يعني فيه اتحاد مع ميوجلوبين اللحم يعني يتكون اوكسي ميوجلوبين يعني دكانه اللون وقتها مش هاكل اللحم خالص
دا غير طبعا ان عملية فتح التلاجة طول الوقت وفي الجو الحار ده بيسبب دخول هواء ساخن يؤثر علي التيار البارد داخلها بشكل سيء يؤدي لعدم وصول درجة البرودة المطلوبة لللحم واللي بيدي فرصة لبعض الميكوبات بالنمو زي ميكروب الاستاف كدا
عشان كدا فيه تحذير من استخدام الاكياس السوداء دي لحفظ الاطعمه
واني استخدم اكياس شفافة بيضاء نظيفة ليس لها اي روايح .ودي بتتصنع مخصوص لحفظ اللحم والطعام ..وبتبقي صحية ومافيهاش اي ضرر
بشرط يكون الكيس ناشف مفرغ من الهوا ومربوط كويس وسليم وان اللحم اللي فيه دهون يكون متخزن فوق باقي الاكياس عشان استخدمه الاول ودا لان الدهون هي اول جزء معرض للفساد من االحم واني اسيب فراغات بين الاكياس لضمان وصول البرودة لكل جزء فيه بس هاكررها للمرة المليون ان اللحم يبقي خالي من الدم والماية تماما ومبرد قبل التخزين
بالنسبة للحم بقي
باستبعد الاجزاء اللي حصل فيها اللون ده خالص ولا يمكن اكلها زي ما قولت طالما مشكلة لون بس . واسلق اللحم السليم كويس باضافه كمية من البصل والحبهان ...والطماطم واللي دورهم تقليق اي امتصاص لاي مواد ضارة ...باللحم
Comments
Post a Comment
اكتب تعليق حول الموضوع