الجرب في الكلاب وأنواعه والوقايه منه والعلاج:

الجرب هو عباره عن مرض جلدي يسببه طفيل خارجي وبيتقسم في الكلاب ل 3 أنواع 

نوعين من أنواع الجرب بيتنقلوا  للأنسان عند ملامسته لكلب مريض والنوع التالت غير معدي بالمره ولكن يعتبر أسوء أنواع الجرب في علاجه 

1-Demodex or Demodectic Mange :

هو جرب يسببه طفيل أسمه الديمودكس لا يتنقل للأنسان ولكن أحتماليه أنتقاله من كلب لأخر وارده * ويفضل عدم تزاوج الكلاب المصابه بالنوع دا من الجرب لانه بيتنقل من الام للجرو * وعلاجه بيطول جداا ممكن يوصل لشهور ,وهو عباره عن 3 أنواع :

 في منه نوع بيكون محدد Localized Demodectic Mange *

 بمنطقه معينه من جسم الكلب خاصه الوجه ولا ينتقل لمنطقه اخري  .. ودا بيجي اكتر في الجرواي الصغيره وممكن يتعالج لوحده مع الوقت  

النوع التاني  هو Generalized demodectic mange ** 

ودا بيجتاح مناطق كتيره في الجلد .. ويسبب لها الحساسيه والكلب بيبقي عايز يهرش جامد في مكان الاصابه وممكن ينتج عنه انه الحيوان يجرح نفسه .. ويتبع الاصابه بالجرب الاصابه بالبكتريا 

 النوع دا من الجرب بيكون موجود طبيعي علي جلد الكلب من غير ما يسبب له مشاكل  واول ما المناعه بتقل بسبب اي مرض بيبتدي يجتاح الجلد ويسبب له المرض دي نظريه وفي نظريه تانيه بتقول انه وجود الطفيل دا بكميات كبيره علي جلد الكلب هي اللي بيتسبب ضعف في المناعه اصلا بمعني انه ممكن الكلب يكون مناعته كويسه جدا بس تكاثر الطفيليات دي علي جلده هي اللي بتقلل المناعه وبتسهل اصابته بالامراض البكتريه بعد كده 

وبالذات النوع دا لازم فيه الحيوان يتمنع من التزاوج لانه بيتنقل من الام للجراوي وعلاجه بيطول وبيوصل لشهور

***demodectic pododermatitisالنوع التالت  هو ال 

ودا بيجي في رجل الكلب فقط ومعظم الوقت بتحدث أصابه بكتيريه معاه 

أعراض ال Demodectic mange :

وقوع الشعر في مكان الاصابه حسب نوع الديمودكس وتكوين قشور وتقرحات علي جلد الكلب 

ولو حصلت معاه أصابه بكتيريه بيكون فيه حكه شديده والم للحيوان 

2-Sarcoptic Mange or Scabies :

هو جرب يسببه طفيل أسمه ال ساركوبتس سكابي بينتقل من الكلب للأنسان ويسبب له طفح جلدي مع وجود حبوب تشبه عضه الناموس كمان ممكن يتنقل من الكلب لاي حيوان تاني  زي القطط 

Sarcoptic Mange or Scabies  أعراض ال 

 وقوع الشعر وحكه شديده خاصه في منطقه الوجه والاذن وثنايا جلد الأرجل والبطن ومعظم المناطق اللي بيكون الشعر فيها قليل   بيتبقي عرضه للاصابه بالساركوبتيس لو فضلت الحاله متعالجتش بيحصل ظهور لشبه حبوب مليانه صديد مع تكوين للقشور وتغيير لون الجلد نتيجه الحساسيه والحكه الشديده

3-cheyletiella or walking Dandruff :

دا اخر نوع من أنواع الجرب وبيتمييز بانه بينتقل للأنسان والحيوانات التانيه  , بيسببه طفيل أسمه

cheyletiella 

وأعراضه :

 بتكون عباره عن حكه في خاصه في منطقه الرقبه والظهر مع وجود قشور كتير لو قربنا منها هنلاحظ انها بتتحرك نتيجه حركه الطفيل تحت الفشره أحيانا بيطور لطفح جلدي وحبوب علي جلد الكلب 

طب أعرف أزاي ان كلبي عنده جرب ؟

اولا من الاعراض الجرب في معظم حالاته بيوقع الشعر ويسبب الهرش وأحمرار الجلد وغالبا بيصاحبه أصابه بكتيريه 

ثانيا في حالات الشك انه في جرب الطبيب البيطري لازم هياخد عينه من المكان اللي فيه الاصابه ويشخصها تحت الميكروسكوب عشان يتاكد من اي نوع من الجرب موجود عند الكلب وبالتالي يقدر يوصف افضل نظام للعلاج 

العلاج والوقايه :

حسب نوع الجرب لو الجرب معدي لازم الكلب يتعزل في مكان لحد ما يخف تماما  عشان اتجنب انه يتنقل لباقي الحيوانات او 

   لصاحب الكلب نفسه وقبل ما اطبق اي علاج لازم انضف الجلد كويس واقص الشعر اللي في مكان الاصابه خاصه وان الطفيل ساعات بيكون موجود في الشعر من جوه فالافضل اني اطهر المكان تماما 

العلاج بينقسم لشاور بمواد معالجه او تغطيس حسب نوع الماده الكيمائيه اللي هتسخدم

مره كل اسبوع او كل اسبوعين لمده شهر او شهر ونص حسب نوع الجرب  وغالبا بيكون شاور او تغطيس  باميتراز او بجير   Lime sulfur , or Amitraz Dips كبريتي

كمان بتتاخد ادويه حسب كل عرض بيظهر يعني لو فيه هرش شديد وحساسيه بيتاخد ادويه تقلل الهيستامين ولو حصلت اصابه 

بكتيريا بيتاخد مضاد حيوي غير ادويه ترفع المناعه * ودي مهمه جدا *

بعد كده بنبتدي ننقط بأمبولات  معالجه للطفيلات الخارجيه في المنطقه بين الودان لاخر الرقبه

زي ال فرونتلاين والريفوليوشن او الادفانتيج وغيرها من المنتجات حسب اللي طبيبك هيوصف غير الدهانات والكريمات اللي معظمها بيبقي مضاد للفطريات مع مراهم ملطفه للجلد

كمان في ناس بتدي حقن الايفوماك كل اسبوعين لمده شهر ودي لا تفضل لان الايفوماك اتصنع للحيوانات الكبيره مش للكلاب والقطط وبالتالي الجرعه الغلط منه ممكن تسبب تسمم للكلب وهو محظور تماما استخدامه في القطط لانه من المواد السامه جدا ليها 

الوقايه من الجرب :

أني اهتم بصحه الكلب دايما واتاكد ان مناعته كويسه عن طريق الفحص الدوري مع الدكتور المختص بيه 

ثانيا اني اطهر المكان اللي بينام فيه الكلب كويس واستخدم له امبولات البارس او الفرونتلاين حسب المنتج اللي بافضله شهريا

كمان التنظيف الدوري لجسم الحيوان باستخدام الشامبوهات الطبيه وفحص جلده للتاكد من عدم اصابته باي نوع من الطفيليات * الوقايه افضل كتير من العلاج زي ما قلنا *

وأخر حاجه في حاله الاصابه بالجرب المعدي لازم اعزل جميع الكلاب عن الحيوان المريض وألبس جوانتي وانا باتعامل معاه ويفضل معزول لحد ما أتاكد انه خف تماما

مع طبعا تنضيف مكانه كويس ووقايه الحيوانات التانيه الموجوده في المكان باني اديها امبولات ضد  الطفيليات