مفيش حاجه اسمها فراخ سرده بتموت او وزنها بيقف عند عمر معين الفراخ هتديك وزن حتى بعد ال60يوم من عمرها المهم انك تعرف ازاى تتعامل معاها فبدل ماتبيع الفراخ بالخساره بنظام ما انزل الله به من سلطان التلت والتلتين ويقوم التاجر يبعها بسعر البورصه وممكن يكون مكسبك فى شوية الفراخ دول اصبر عليهم شويه الخير كله هتاخده منهم بعد35يوم
ظبط فرشه نضيفه وتهويه كويسه ومكان واسع
☆وابدا انزل بجرعة كوكسيديا وكلوسترديا بالتبادل يومين حتى لو مفيش اسهالات او ظهور اى اعراض خاصه بالمرضين دول لان الكوكسيديا بتظهر فى اكتر حالتها بصوره غير ممرضه من غير كششان او زرق مدمم كل اللى بتعمله بتخطف الوزن
والمضاد الحيوى اللى هتستخدمه يشترط انك متكنش استخدمته قبل كده خلال الدوره لان الميكروب بيعمل مناعه منه يعنى لو استخدمت الامبرول قبل كده استخدم نوع اخر فى العلاج علشان تاخد نتايج كويسه
☆بعد كده انزل على العلف بتوم وبصل كركم 3 مرات فى اليوم اخلط المكونات دى بالتساوى ورش 10 جرام فوق العلف فى الدواير بتاعة العلافه
☆والميه 7سم عسل اسمر و5 جرام خميره و3سم حلبه و3سم مهضم بشرى 12ساعه ليلا 5ايام
متقلقش من الخميره لانك هتكون معالج كوكسيديا وكلوسترديا قبليها
☆مع الاظلام على الاقل 3ساعات متواصل يوميا
وحط تحت الاظلام ده مية خط لو عاوز فراخك تديك اعلى وزن وبصحه جيده الاظلام ببساعد على الهضم وبيحفز هرمون النمو وبالتالى بيعود على الفراخ بالتمثيل الغذاءى وزيادة الوزن
ممكن تمشى على البرنامج ده من عمر 20 يوم اجمع كل الفراخ اللى وزنها ضعيف واشتغل بالبرنامج ده والعلف يكون بادى زى ماهو متغيرهوش لغاية ما الفرخه تكبر شويه وتشد حيلها وابدا غيره لنامى
دى صوره لفرخه سرده كانت وزنها1.2 عمر 35 يوم كانوا 20فرخه اللى باقيبن من الدفعه دى اكبرهم واقل واحده كانت2.4 العمر 47 يوم
انا عارف انه مش انجاز ولا حاجه بس حبيت اقول للاخوه المربيبن اللى بيحبطوا من وزن الفراخ ويستعجلوا بالدبح او البيع اصبر عليهم وهتاخد منهم الخير كله
Comments
Post a Comment
اكتب تعليق حول الموضوع