من بريد المدونة

 أنا سعاد 18من عمري سأحكي لكم قصتي الحزينة ولكن إرحمو ضعف ذاكرتي وعقلي  

أنا كنت بنت ظريفة بزاف وحنينة وديما ناشطة وفرحانة وداب العكس  كنت تنقرى مزيان تنجيب معدل أفضل وداب العكس   وبابا ولاف تنجيب مزيان وتنقرى مزيان وديما تنكول ليه هااش جبت وداب العكس   متنكول ليه والو  مهم وصلت الدورة الثانية ف التاسعة والمرض تزيد تيكبر وعائلتي عرفو بلي كل ماتنكبر كل ماالمرض تيكبر معيا والذاكرة تضعاف ودغيا كنسى ،والقراية مبقيتش كيف الاول تبدل بزاف  مهم جبت معدل زوين فالتاسعة وصفضني بابا لمدينة الدار البيضاء ندوز العطلة حيت لي جاب معدل زوين تيعطيه يختار انى مدينة بغى يدوز فيها العطلة وانا ختارت ممشى لكازا ..مهم وصلت لتماك وداز يومين وسخفت ودوني لسبيطار واول مرة فحياتي نمشي لسبيطار مهم كالو ليا مغنديروش ليك العملية حيت خصك الدم وعندك واحد مشكل فصحتك  وهو لي منعنا نديرو ليك عملية وانا حسيت بدنيا تطيقت عليا بحال انا لي ساكنة فيها بوحدي حسيت براسي غيتفركع .....مهم داز نهار خايب غير تنفكر مهم فكرت كلت مالي على هد الحالة هذا قدر الله والحمد لله على كل حال   وربي غيدير لي فيها خير ان شاء الله ومفقدتش الامل مهم دوزت عطلة زوينة واخ تنسخف مرة مرة مهم تنحاول نعيش كيف الناس ونشط وصافي كملت العطلة ورجعت وخصني نتسجل فالثانوية غنبدى تاني صفحة جديدة   وتسجلت وبدى العام وكيف العادة مرة مرة تنسخف وتنمشي لسبيطار وتنخد دواء وتبعت علاجي فورزازات كل مرة رنديفو 6شهور خصني نمشي دوز تاني 6شهور خصني نمشي وتحليل تابع لاخر ورنديفو تابع لاخر وكمل العام ونجحت بفضل الله  وسافرت تاني وهذ المرة مراكش وكلت نمشي نبدل العلاج نشوف شي دكتور مختص ومشيت عندو وهو يكول ليا علاش تتخدي هد دواء حيت كنت تنخدو عام ولكن تيعصبني بحال الى كلتي مخدر الى مخديتو كنكون معصبة وبزاف غير تنخدو تنتهدن كاليا علاش راه غيخرج عليك وحيدتو وكاليا سير 4شهور ورجعي مهم مشيت ولكن بدى عام دراسي جديد الباك مهم كلت ليه نتصولو فلواتساب الى كاين شي جديد فحالتي نكولها ليك مهم كل مرة وكفش مرة تنسخف مرة  تتمشي ليا صوت ونمرتو تمسحت ليا وحالتي تدهورت   وقعو ليا بزاف مشاكل ونفسيتي خايبة  وهاانا داب فين وصلت وبقى شهر لامتحان وخصني نختار يااما القراية يااما العميلة وهد المرة صعيب وبزز مني حيت 3يام وانا ناعسة فلفرش تنوجه الموت   ونتمنى الشفاء