من بريد المدونة

 انا متزوجة عندي 7 سنين جبت زوج بنات وبلحمل بطفلة عجوزتي غير عرفت شعلت النار وقررت تزيد تزوج راجلي قاتلو نحب على طفل انا غاظني الحال وبكيت حتى شبعت وكي لقيت راجلي مايل لفكرة يماه طلبت الطلاق شيخي انسان طيب ويحبني ويحب بناتي بزاف طول عمرو وعجوزتي هي لي تقرر وهنا ستظعفاتو كي شافني نبكي وقلبي محروق حلف قالي ننربيها ونرجع كل لي دارتو وبعدها بشهر لقينا شيخي داخل ومعاه وحدة عجوزتي وراجلي الدم حبسلهم كي عرفو بلي مرتو ناضت عجوزتي تسب قاللها لي حلال على وليدك علاش تحرميه عليا وغير جات تتلاح فيه وتحكمها لعروسة قاتلها منا وهكا اعرفي واش تهدري فاهمة يعني جاب وحدة واعرة راجلي قالو ترفد لخماجة هذي وتخرجها شيخي قالو انت ارفد يماك ولباب لبرى وحتى لمرى ولبنات مكانش هذو ملكي انا لي زوجتك وانا لي نصرف عليكم روح ادي يماك تخطبلك من هذاك اليوم ولعروسة دايرة حالة فدار واش من مكياج ولبسة ولا دلال لي مدللاتو شيخي وعجوزتي تشوف وكي تنطق تقول لعروسة لشيخي متعبش روحك خليهالي شيخي مفهم لعروسة تربي عجوزتي وهنا جا في راسي مثل دواء لمرى غير مرى ويقلك كيدهن عظيم طلع كيد شيخي اعظم راجلي نسا تماما زواج بثانية وقالك مصائب قوما عند قوما فوائدو انا راني نتفرج وفعلا دموعي مراحوش خسارة ربي يحفظلي شيخي