anémie او مرض فقر الدم
مرض جد شائع يقدر يقيس المرا او الراجل الصغار و لكباار
خلينا نحكيو شوي كيفاه حتى الواحد يكون عندو فقر دم ؟
اليوم ح نحكيو فقط على فقر الدم الي يكون بسبب نقص الحديد ؟ علاه بصح لحديد و مش كالسيوم مثلا !؟
الحديد لانو يدخل ف تكوين مادة الهيموغلومين hémoglobine و المادة هادي تكون ف كل كرية دم حمراء و هي الي مسؤولة على نقل الاكسجين الى الانسجة
دركا نحكيلكم حكاية خلاف صغييرة
احنا ك ناكلو كاين مواد معينة كيم السبانخ (السلق) و العدس و بصفة عامة الخضر اما اهم مصدر للحديد فهو اللحوم الحمراء طبعا
يدخل الاكل للمعدة يهظم و من معدة تمتص عن طريق الزغبات المعوية و تروح للدم و من دم ل لنخاع العضمي مصنع الكمريات الحمراء
في حالة وين ماكانش لحديد ماكنش hémoglobine بزاف يوليو كريات تاعنا صغار على الحجم تاعهم و النخاع العضمي يحاول يعوض النقص هادا يزيد ف انتاج تاع كريات الدم الي يكونو صغار طبعا
يكون عندنا نقص في الحديد كيم نكونو قاعدين نخرجحو ف لحديد من جسم مصلا يكون كاين نزيف و في نفس الوقت ماناش نعوضو في النقص هذا
فقر الدم بسبب نقص الحديد شائع اكثر عند النساء لانو هوما اكثر عرضة لفقدان الدم بسبب الطمث لهذا المراة في فترة الحيض لازم تحرص على انو الغذاء يكون متوازن و فيه كمية اللازمة من الحديد لتعويض الدم المفقود
من اعراض فقر الدم بسبب نقص الحديد تساقط الشعر ،جفاف الجلد مرات يتسبب في حكة، الاضافر يتكسرو ليه ليه، مرات تسبب في نهجة و تسارع دقات القلب صداع ...
الاعراض هادي ماتظهرش بسرعة تستغرق وقت يعني يقدر يكون عندك فقر الدم و ماعندك حتى اعراض لمدة طويلة
Comments
Post a Comment
اكتب تعليق حول الموضوع