شركة ماكرو Macro
طبعا كلنا كصيادلة عارفين الشركة دي واد ايه كل يوم والتاني اسعارها عماله ترفع بدون اي وجه حق واحنا كصيادلة اول ضحيه لكده ...
الغريب كمان ان الشركه بتبيع مباشر للجمهور عالسوشيال ميديا وبخصم كمان زي اللي حضرتك كصيدلي بتاخده ...والاغرب من كده انها بتعين اي حد المهم مايكونش صيدلي
المشكلة اننا كصيادلة بنساعدهم في كده وانا بعترف اني كنت في فترة من الفترات بوصف منتجاتهم صراحه ..بس دلوقتي خلاص
ناخد منتج مثلا زي ريڤي تو كريم مرطب وصل سعره ٥٥ ج وبيتسوق له انه مرطب لجميع انواع البشره والكلام ده مش صح طبعا لانه فيه olive oil ...الشاهد انك كصيدلي تقدر تصنع كريم زيه بالظبط وتراعي الزيوت بنفسك ونسبها صح وخد المفاجأة ان عبوه الكريم اللي هتحضرها بإيدك مش هتعدي ١٠ ج اصلا بأفضل اضافات زي زنك اوكسيد وزيت چوچوبا وبانثينول وفيتامين ه وغيرهم كتير مواد مرطبه وتقدر بتغيير اضافات بسيطه تعمل كذا حاجه
تكلفة تصنيع كيلو قاعدة الكريم في معمل الصيدلية تقرييا من ٤٠ ل ٧٥ ج يعني تقريبا كده ال ٤٠ جرام من قاعدة الكريم حوالي ١.٥ ل ٣ ج قبل الاضافات ...
انت متخيل !!!!!
تقدر بإضافات بسيطه تعمل لوسيون زي برينجو وكلاميل وبروتيكا وتتميز بيه ف فترة الصيف اللي جايه او تعمل كريم تشققات وتحدد نسبه اليوريا بتركيز صح حسب الحالة ..وتستخدم القاعدة تعمل منها اسكراب وغير كده كتير وكتير ...
عاوز اقول لحضرتك ان ريڤي تو كريم مثلا علينا ب ٣٨ ج ونبيعه ب ٥٥ ج .... مكسب ٣٠ % تقرييا وده طبعا مش مكسب صافي لانك لسه هتخصم منه حاجات كتير ....
لا ده حضرتك تعرف تحضر منتج زيه وبإذن الله احسن بكتير وتكسب اكتر من ضعف المكسب بكتير لأن كلنا عارفين ان النجاح ف اي business هو انك تكون ال price maker ومش price taker ...
وجهة نظري ان التوقيت اللي احنا فيه ده هو التوقيت اللي لازم ترجع تهتم فيه بمعملك وتكون منتجاتك الوصفيه من صنع إيديك علشان تقدر ببساطه تتحكم في مكسبك وتقلل كميات عالرف مالهاش لزمه وتسرع دوران المخزون بنفسك ...
وتقدر تقيس على كده منتجات كتير جدا ...
Comments
Post a Comment
اكتب تعليق حول الموضوع