من بريد المدونة

 انا انسانه متزوجه من ثلاث سنوات وشهرين متعلمه الحمد لله خذيت شهاده جامعه وتزوجت ع اساس نشتغل بس بعد زواجي بسنه زوجي دار حادث الخبطه جاته ع راسه سببتله جلطه دماغية تلذعات بسيطه فالدماغ والحمد الله توا معاش فيه شيء بس تغير قعد انسان ماعندش احساس بيا معاش مهتم  راسه امسكر ايعاند علي كل شي وانا انساير فيه لاني انحبه وانخاف علي صحته وداير عمليه علي عينه ممنوع ايسوق نفسيته تعبانه المهم انا متحمله ظروفه وعندي صحته بالدنيا بس اسلوبه تغير قعد ابسط شي ما يعجباش يسب الدين ويقولي في كلام عيب مش ليا انا محترمه ومحترماته انا في نفس السنه جبت بنتين وهنا اللي ماسكاتني معاه لولا بناتي ماكنتش  تحملت خايفه من الطلاق وخاطري نتريح من المسؤليه حسيت حياتي معاه نغسل ونظم ونجري عليه نعطي فيه دواء بالمعاناه وهو كل شي بالجو عنده انا اللي حارقه دمي قلة ادبه معاي خاطري يحن فيا كل يوم امنكد عليا وانا نمشي ونغير الجو ونضحكله ونتنازل ديما نتنازل حسيت شبابي ضاع لا نلبس لا نشري لا انحني لا نطلع لا نشوف الناس محبوسه معاه 

وانا بنت كنت نلبس واحلى من توا لما يشوفوني اقاربي يقولولي ليش رحتى هكي وووو نزعل علي روحي راجلي ما يشريلش ما يفكرش فيا قاعده معاه زي الشغاله مش عارفة كيف الحل  ادعولي ربي افرج عليا تعبت كان خاطري انعيش مع حد محترم متعلم يخاف ربي ما يتلفظش خصوصا بناتي ما نبيهنش يسمعن كلام هكي خاطري يتربن عالاحترام والادب والصلاه وذكر الله زوجي تعبني وربي يصبرني يارب