ال PRP او المعروفه ب البلازما

البلازما اول شي هي من مكونات الدم (دم الانسان) ، الدم يتكون من خلايا الدم البيضاء وخلايا الدم الحمراء وسائل شفاف في قوام الدم هو البلازمااا اللي تحتوي على فيتامينات ومعادن وهرمونات ...

فوائد البلازما هي تحفيز الانسجه المتضرره على العلاج وانتاج خلايا جديده وتحفز البشره على انتاج الكولاجين حتى تستعيد نظاراتها وحيويتها وتنملي التجاويف بالوجه اللي سببها التجاعيد ..

كل اللي حجيته هو من الناحيه العلميه اما من ناحيتي انيييي 🌚 :

قبل سنه بديت احقن بلازما بعد ماقريت عنها كومه لان اني خفت احقن ويسمن وجهي او يصير مثل الفلر واني ماحب الحقن الهيج نوع.

خطوات الحقن هي :

**اول شي يسحبون منج دم مقدار ماعرف شكد بس مو هوايه ((بالمرااااكز التجميليه))

اما اني جنت اسحب اسرنجات 2 يعني من اليد اليمنى اسرنجه ومن اليد اليسرى اسرنجه.

وهالشي اكيد ميسوو بالمراكز يعني بالزايد كم سيسي 

**بعدها المختبر الطبي او التحليلي يقوم بفصل الدم عن البلازما بجهاز خاص تظل الانبوبه تفتر تفتررررر لحد مينفصل ،

تلاحظون الدم يصير بالقاع والبلازما لون اصفر فاتح فوك.

**بعدها بفدشي خاص مثل الكبوس  يسحب البلازما ويفرغوها بانبوبه نظيفه .

**يحطولكم تخدير كريم عالوجه كله ، وتنحقن البلازما باماكن معينه بالوجه بسرنجه كلشششش رفيعه وناعمةةةة متاذي الچكه ابد بس شويه نغزات من تندفع الماده للداخل .

الفرق اللي شفته عليها :

نظارة  فضيعه فضيعه متتصورون جمال البشره بعد الحقن بيومين تبين او يوم.

لمعان بالوجه يجنن هيج متفح اتفحححح .

وجه مورد وناعم وشويه اول يومين نفخه بسيطه اثر الابر يعني يوم نقطه .

هو بالاستمرااااار ضروري تستمرون عليها 

تزيل النمش ، الخطوط الدقيقه جداً بالوجه ، نظاره دائمه ، التلون بالوجه او تصبغات ، اعتقد للمسام هم بس اني ماعندي مسامات واسعه فماعرف مشفت فرق.

المفروض كل شهر على اساس تتجدد العمليه بس اني مضرتني ولا ضرت اي احد من عدنه يعني جنت احقن كل اسبوع ن وهي اصلا ماده مفيده موضاره ..

ف المراكز التجميليه اعتقد كلهم يحقنون البلازما او الPRP للوجه وللشعر .. اني ممجربه اي مركز .