سلام عليكم نساء أو رجال حبيت نشارك معاكم وصفة طبيعية مدهالي الخضار الله يعطيه الخير رحت نشري عليه وشاف ولادي يسعلو " الكحة " ..دواء تاع طبيب مانفعش فيهم ورانا كامل هكذا هاذ الوصفة ضربة وحدة
حبة لفت من النوع هذا الدائري حفروها فل وسط كيما نديرو دولمة وعمروها بسكر الناعم (sucre glace) ديروها فالليل وبيتوها لصباح يذوب السكر وتولي سيرو وعطيو أولادكم أو ليكم كبار أو صغار شربو مغرف صباح علا الفراغ السعلة " الكحة " تبدا تنقص وتروح وحدها عن تجربة من نهار لول تلاحظوا الفرق
ملاحظة برك بيتوها في كاش قابسة " باطة " ولا حاجة ماتحطوهاش وحدها كي يذوب السكر تميل الحبة ويدفقلكم راني صورتلكم كلش والله يشافي مرضانا
No comments:
Post a Comment
اكتب تعليق حول الموضوع