المريض: يا دكتور عندي السعلة في أسبوعين رحت للصيدلي أعطاني دواء و ماحبتش تروح أعطيني دواء راهي هلكتني.
الطبيب: إجلس و تريث نفهم سببها قبل منح العلاج.
المريض: راهي هلكتني مع نتكسل نبدأ نسعل أعطيني دواء و مركيه على خويا الكبير معنديش كارت شفاء.
الطبيب: هل تدخن أو تعمل في مكان فيه غبار أو لديك حساسية معروفة من شيء ما ؟
المريض: لالا نخدم في الصفاء .. بصح نتكيف يا طبيب .. حاجة خفيفة باكي فالنهار.
الطبيب: علاه ما حبستوش؟ حبس قبل ما تندم.
المريض: نورمال هذه هي البلاد تخليك تدخن و كل شيء بالمكتوب .. الطبيب الله يخليك راني مع صاحبي راه محبس في الطريق و مقلقني حبيت غير دواء و نخرج.
الطبيب (يقوم باستكمال الإستجواب الطبي لتحديد التشخيص ثم يقوم بطلب أشعة صدرية).
...
عون_تشغيل_الأشعة (بعد القيام بالتصوير الطبي) ينظر للأشعة مستغربا و يسأل المريض بفضول: خويا عندك مرض في الصدر من قبل؟
المريض: لالا خويا الحمد لله .. شوي سعلة برك .. علاه كشما كاين ؟
العون: لالا سقسيت برك.
المريض: كيفاه تسقسي برك خويا راك وسوستني؟
العون: أنا هنا برك ندير الأشعة لخويا و الطبيب هو لي يقراهالك .. شوف معاه خويا و ربي يجيب الشفاء.
...
المريض (يشعر بالغرابة من رد فعل عون الأشعة) لكنه يقول في نفسه هذا ليس طبيبا أصلا بل عون مهمته تشغيل الجهاز و لا دخل له بمعرفة المريض من غير المريض.
المريض (يدخل مكتب الفحص مجددا): هاهو الراديو دكتور.
الطبيب يحمل صورة الأشعة باهتمام بالغ .. و يتغير وجهه بغرابة ثم يمد يده إلى جيبه ويخرج النظارات و يرفع صورة الأشعة إلى أعلى ليشاهدها بشكل أوضح على جهاز إنعكاس الضوء .. ثم يضع الأشعة على المكتب و يرفع السماعة و يقول: مرر لي طبيب الأمراض الصدرية.
الطبيب (يتكلم مع المختص كلاما علميا لم يفهمه المريض ثم يغلق السماعة).
...
المريض (تزيد دقات قلبه و تكاد قدماه لا ترفعانه عن الأرض ثم يتكلم متلعثما): واش كاين دكتور؟؟ غير الخير؟
الطبيب: عندك ورم في رئتك اليمنى .. نبعثك للمختص و يعطيك تحاليل إضافية.
المريض: فهمني دكتور ياك مشي هاذاك المرض؟
الطبيب يحاول الإبتعاد عن الإجابة و هو متأكد من التشخيص (سرطان الرئة): روح للطبيب المختص ها هي الورقة و إن شاء الله يكون خير.
(بعد رؤية الطبيب المختص: يعلن له التشخيص).
...
هذا ليس سيناريو .. هذه حقيقة تحدث يوميا لتكون نهاية الكثير من المدخنين أو مجالسي المدخنين .. أقلع عن التدخين و تجنب المدخنين قبل أن تعيش هذا اليوم أنت أيضا ..
No comments:
Post a Comment
اكتب تعليق حول الموضوع