من بريد المدونة
حبيت نفسر لبرشا ناس تربي في كلاب و قطاطس ما عندهاش المعلومة و تحب تعرف ألي ك تسخن الدنيا القراد و البرغوث يكثرو و يخرجو و الغذاء متاعهم هو دم الحيوانات دونك تلصق في الحيوان متاعك و تقعد تمص في الدم متاعو كانك عل قراد يقعد لاصق في الحيوان كان عل البرغوث هو المشكل كبير خاطر ينتشر في الدار الكل و يبيض و صعيب تتخلص منو الا ما تداوي دار الكل... هذم مخلوقات تنقل العدوى للحيوان متاعك و ممكن ليك انت زادة ولا لصغارك و امراض خطيرة برشا ممكن تسبب في انو يقتل حيوان متاعك و هو مرض Lyme. هك علاه كل عام البريود الربيع و الصيف نستعملو دوايات بش نحميو رواحنا و الحيوانات متاعنا و ديارنا. فما كولي تنجم تشريه و تركبو في رقبة الحيوان متاعك فيه ريحة تبعد عليه الحشرات هذي والا فما بيبات دواء يتحط علا جلد من فوق زادة و يحميه اما الهذم الكل لفترة معينة حسب الدواء الي بش تستعملو ولازم ديما تعاود كل ما يوفا مفعول الدواء و الي بحكم الدوش و البحر باش يتنحا مفعولهم في اسرع وقت بحكم انهم يتحطو فوق الجلد... وفما حرابش الي يقدر ينجم يشريهم دواء يمشي في الدم متاعو و الحشرات هذي ك تمص منو تموت و هو الحق الوحيد الي مفعول متاعو مضمون 100% مش كما الحلول الاخرى الي جربتهم و ما همش مضمونين برشا و ينجم يجيه حشرات. و الي مش قادر ينجم يلوج عل انترنات فما ناس تستعمل حاجات طبيعية من خل و روح الليمون و برشا زيوت نباتية اخرى تنجم تشوف عل يوتوب و تدخل تشوف مش مضمون 100% اما خير من بلاش وعل قليلة تحاول تحميه و تعمل الي عليك... نشالله كنت فسرت مليح باش تعم الفايدة راهو حاجة اساسية و تنجم كلبك يكون عندو وانت مش فايق بيه خاصة القطاطس بحكم انهم يخرجو اكثر و يخالطو قطاطس في شارع و تنتقل ليهم حشرات هذي....
في تصويرة هذي حاجات رد بالك تعملهم خاصة انك تشد القراد تنزل عليها خاطر وقتها بش تعصرها و تسيب مادة سامة في الحيوان متاعك تنجم يكون مرض Lyme. فما بانس سبيسيال للحكاية هذي كما في التصويرة.
شكرا!
Comments
Post a Comment
اكتب تعليق حول الموضوع