بتحكي عن تجربتها الشخصية مع فيروس COVID-19(الكرونا) وكيف اتعاملت معاه والآن فحصت للمرة الثانية وطلعت النتيجة negative بفضل الله.
هي طبيبه مقيمه بمدينه بروكلين في ولايه نيويورك. حيث اكبر عدد للإصابة بالفيروس اتعاديت من مريض كان جاهم في الurgent care وهو كان مخالط لزوجتو المريضه لكن لم يفصح الا بعد نهايه المقابله والتحقيق الكثير معاهو 🙄وبالتالي نقل ليها العدوه هي وطبيب اخر و واحده من العاملين بالuc.
بتقول
الأعراض كانت بتختلف من اسبوع لاخر لكن بده بالحمي العاليه جدا بالمساء. ارتفاع درجه الحراره دا هو النبهني لاني اعمل الفحص وابدا اعزل نفسي. كان في فتور وصداع شديد وفقدت حاسه الشم والتذوق وبدت معاي كحه جافه.
الاسبوع الأول دا كان صعب شديد وكانت فيهو معظم الاعراض ..لكن تعاملك مع المرض هو ايلي بخلق الفرق. لازم تحاول بقدر الإمكان انك تكون calm n collected وتتعامل معي الاعراض واحد واحد و تبعد عن الstress والnegative media exposure
في الاسبوع التاني بدا معاي طمام و diarrhea والحمدلله كانت الحمي راحت ورجعت لي طاقتي وبديت اتحرك في البيت وقدرته انجزته كتير في الاسبوع دا الحمدلله.
الاسبوع الاخير دا كانت معظم الاعراض اختفت الحمدلله الا شويه قحه بس كان في ارق insomnia فظيعه. ممكن اكون صاحيه الليل كلو وتعبانه بس م قادره انوم. الارق دا رجع لي الحمي تاني واستمرت معاي ليله واحده وراحت بعد كدا الحمدلله.
الادويه الاستخدمتها :
في الأيام الأولي لانه الأعراض/الحمي كانت قوية كنت ببلع حبتين Tylenol extra strength كل ٦ ساعات، حقيقة الحمى م بتنزل بالساهل وهي اكتر حاجه تعبتني..
الموية شراب الموية الكتير الكتير الكتير
فايتمين سي أي مصدر من مصادره ... انا كان عندي emergenc packets
القنقوليز عصير برضو ساعدني جدا
كنته برضو باكل برتقال كتييير
أضافتا لي اي دواء شراب مهدئ السعال طارد للبلغم ومقلل للاحتقان الآنفي والشعبي
Expectorant
انا اخدته Robitussion و Mucinex ER
برضو استخدمته الvicks vapor rub
وكنت بستنشق موية دافية تنقطو عليها زيت برتقال او زيت نعناع ..
او موية وتغلى معاها برتقاله وليمونه وبصله وتومه ..
ايوة حتكح شديد وحتضايق لكن حقيقي حيطلع كميةمن البلغم وبعدها كنته برتاح جدا.
ومن الحاجات البرضو جربتها حبيب الشعب "القرض" بخور القرض او بمصو "اصلا بتكون فاقد القدرة على التذوق فما بتكون عارف دا شنو المهم بس "
في اخر اسبوع كنته بشرب Thera-flu وً Chamomile عشان الInsomnia.
اضافه اخيره كنته متابعه الاوكسجن لفل ودقات القلب في تلفوني
ببرنامج pulseoximeter اشتريتو من app store
والحمدلله رب العالمين أنا الان في اتم الصحة والعافية ورجعته الشغل تاني لي كم يوم..والفضل بعد ربنا برجع لي اهلي واحبابي وأصدقائي ودعواتهم المستمره واتصالاتهم ومسجاتهم الماوقفت مني ولا يوم. Truly the love and support I recieved played a big role in my road to recovery alhumdulilah
**مرفق صورة للدواء والحبوب والموية الدافية دي وكل الحاجات الاستخدمتها
** المرض دا التعامل معاهو supportive اكتر من اي حاجه تانيه ودي تجربتي الشخصيه بس م بالضروره تنفع معي كل الناس ف لازم تستشير الطبيب الخاص بيك وتتابع إرشاداته
ودمتم بصحه وعافيه.
Comments
Post a Comment
اكتب تعليق حول الموضوع