أنفلونزا الطيور
طيب هنتكلم مع بعض عن مرض كان ليه أثر كبير علي العالم وخاصه علي المزارع وأصحابها أكيد عرفتوه دلوقتي أيوه هو أنفلونزا الطيور وللأسف بدأ من تاني يدور الكلام حوليه من جديد وده طبعا شئ مزعج لينا كلنا وعلشان كده هنتكلم عن علاجه شويه وازاي نتعامل معاه طيب إيه العلاجات دي أقول لحضرتك
1- oseltamivir (Tamiflu)
وده بناخد منه 75mg مرتين في اليوم لمده خمسة أيام وده يعتبر الاهم في الادويه دي للتعامل مع مرض أنفلونزا الطيور
2- zanamivir (Relenza)
وده بيتاخد في خلال يومين من ظهور الاعراض وباخد منه جرعتين أول يوم ويكون في ساعتين ما بينهم علي الاقل
3- peramivir (Rapivab)
أما الاتنين دول بقي من المفترض إنهم يساعدونا في إننهي أزمتنا ولكن احنا في اشد وأمس الحاجه لعمل المزيد من الدراسات علشان الفيروس ده ممكن يتطلب عزل ودخول المستشفي وقد يتطلب الوضع الدخول للعنايه المركزه
ولازم نعي أيضا إننا بناخد الادويه دي بعد ظهور الاعراض مباشره
ولو جينا بقي نقارن مع بعض ونذكر بعض بأدويه أنفلونزا الخنازير هنلاقي مع بعض إن الادويه اللي بستخدمها في أنفلونزا الطيور هي هي اللي بستخدمها في أنفلونزا الخنازير في ما عدا واحد بس وده خاص بس بأنفلونزا الخنازير اللي هو بالوكسافير ويبقي كده احنا شاملنا المرضين وكمان قارنا بينهم وده هدفنا إنكوا تكملوا معانا وتكونوا جزء من رحله البحث عن العلم ونشر الوعي بين الامم وليس بيننا فقط
Comments
Post a Comment
اكتب تعليق حول الموضوع