الاضطراب ده بيختلف عن الاكتئاب إنه لازم بيتخلله نوبة هوس واحدة على الأقل خلال حياته
طيب يعني إيه نوبة هوس ؟
يعني فترة بيكون فيها المزاج مستثار والمريض نشيط جدا بشكل ملحوظ وبتستمر الفترة دي لأسبوع على الأقل
طيب إيه الأعراض اللي بتحصل خلال الفترة دي ؟
-بيكون فيه تضخم في تقدير الذات أو احساس مبالغ فيه بالعظمة
-النوم فيها بيكون قليل جدا يعني ممكن يكون الشخص بينام ساعتين تلاتة ويقوم نشيط جدا
-رغى وثرثرة كتير جدا ومن غير مبرر وبشكل ملحوظ
-تشتت بزيادة وسهل أى حاجة تحول انتباهه
-أفكار متطايرة وكتيرة وفي كل إتجاه يعني بيطلع من موضوع ويدخل على موضوع تاني مالهمش علاقة ببعض ومحدش عارف يلاحق عليه
-هوس زيادة لشراء حاجات كتير ممكن ميستفدش بيها أو ممكن يكون عنده هوس في العلاقات الجنسية غير المحسوبة أو الآمنة
-نشاط هادف وإنتاجية ملحوظة في وظيفته أو دراسته إذا كان طالب أو نشاط جنسي
الأعراض دي كلها بتكون زيادة عن العادي لدرجة إنها ممكن تعمل إعاقة حياتية (مشاكل في العلاقات بشكل عام أو خلل في أدائه المهني أو الأكاديمي وممكن كمان يكون فيه مظاهر ذهانية زى ضلالات وهلاوس
لو كنت أنت بتعاني من الأعراض دي أو لقيت حد قريب منك بيعاني منها اعرف إنه مرض نفسي وله علاج نفسي ودوائي وبيتحسن
كل الدعم والتعاطف لمريض ثنائي القطب
No comments:
Post a Comment
اكتب تعليق حول الموضوع