ناس كتير بتعتقد إن لما بنقول لهم إن طعام معين بيرفع السكر ومعاه هرمون الإنسولين بشكل جنوني بيعتقدوا إنهم في أمان طالما إنهم لا مرضي سكر ولا عندهم مقدمات سكر !
الحقيقة إن الاعتقاد ده خاطئ تماماً !
إنته ممكن سكرك يعلي قوي بسبب طعام ما ولأنك شخص سليم هينزل السكر للطبيعي ويمكن في وقت مش طويل لكن فايتك ثلاث نقاط مهمة:
1- السكر هيفضل مرتفع قد إيه وهيتكرر الموضوع ده قد إيه:
لأن كلاهما مر ربما لا تشعر بمرارته حتي الآن ولكنك بدأت أولي خطواتك علي الطريق مهما طال !
ارتفاع السكر وبقاؤه مدة في الدم خطر عليك حتي لو هينزل للطبيعي !
ومننساش إن السكر لما بيبقي في الدم بيلتصق بالهيموجلوبين وواحدة واحدة بزيد نسبة الالتصاق دي وهوبا تروح تعمل تحليل بالصدفة تلاقي التراكمي بتاعك عالي وبعد وقت ليس بالقصير تلاقيك مصاب بمقاومة الإنسولين ومن بعدها السكري !
وخد بالك بعض الزيادة من السكر بالدم بتنزل عن طريق الكلي وده بيسبب إجهاد للكلي بمرور الوقت !
2- الإنسولين هيفضل مرتفع قد إيه وهيتكرر الموضوع ده قد إيه:
فارتفاع الإنسولين بيسبب مشاكل لا حصر لها زي السكر ويمكن أكتر !
هيسبب لك مشاكل تانية يمكن أخطر من السكري نفسه منها السمنة والالتهابات أمراض البروستاتا والعقم لدي الذكور والإناث وغيرها في القايمة كتير !
وواحدة واحدة وجود الإنسولين بشكل متواصل في الدم و بنسب عالية عمال علي بطال هتسبب مقاومة الخلايا ليه فيما يعرف بمقاومة الإنسولين وإللي بتجر وراها مرض السكري والضغط العالي والبدانة وتكيس المبايض والجوع المستمر والضعف العام وغيرها من المشاكل الصحية !
3- حضرتك متخيل ممكن تفضل سليم لحد إمته؟!
بنكرياسك زي شريحة الموبايل ليها رصيد بس للأسف غير قابل للشحن!
**والإنسولين زي ما هوه هرمون مهم ليه مخاطر كتير لو فضل مستواه عالي في جسمك بسبب أكل سكريات ونشويات كتير أو حتي لو بتاكل علي مدار الساعة حتي لو أكل صحي !**
تخيل حضرتك محتاج خمسة جرام سكر بس في اليوم يعني ملعقة صغيرة فقط !
**شوف بقا بتحلي بس الشاي والقهوة والعصاير بكام جرام في اليوم ده غير طبعاً الخبز والرز والمكرونة وهلم جرا !**
No comments:
Post a Comment
اكتب تعليق حول الموضوع