القولون العصبي
معظم مرضي القولون العصبي بيقوله بطني تعباني جداً ومش مستريح في أي أكل حتى الميه بتتعبني. و حاسس دايماً بانتفاخ وشعور بالامتلاء وفم المعدة بيوجعني وألم في الجنب الشمال وخاصة بعد الاكل. وإمساك كمان. و الاعراض دي بتزيد مع الأكل و النرفزه. و ممكن كل ده لدرجة حتى لو جعان برضو مش مستريح.
أحيانا اللي بيخفف الأعراض دي لما يعمل حمام تقيل أو يكون جعان.
القولون العصبي لا يحدث معه نقص في الوزن او نزيف من فتحة الشرج او سخونية.
الانفعالات و سوء الحاله النفسية و الظروف الاجتماعية الصعبه من الاسباب الرئيسية للقولون العصبي.
القولون العصبي ده مرض يصيب حوالي 3/4 سكان العالم. ولكن هو مرض وظيفي وليس عضوي. بمعنى. انه عبارة عن خلل وظيفي في حركية الجهاز الهضمي واعصابه. مرتبط بطبيعة الأكل والحالة النفسية عند المريض. فيسبب اضطراب في حركة القولون إما بالزيادة فيعمل اسهال أو بالنقص فيعمل إمساك. ويعمل عسر هضم والم بالبطن وشعور بعدم الراحة بعد الاكل. بس اطمن هو مش مرض عضوي. طالما مفيش نزيف او دم من فتحة الشرج او نقصان وزن ملحوظ. وهتلاقي كل التحاليل والاشعات بتعتك كويسه.
علاج القولون العصبي محتاج حاجتين ان المريض يظبط الحالة النفسية وطبيعة الاكل. بمعنى تغيير نمط الحياة. تبعد عن أي ضغوط نفسية وعصبية. وتسلم الأمر لله وتعلم أن كل شئ بقدر. وليس كل ما يتمناه المرء يدركه. والعجلة هتدور بيك أو من غيرك المهم تستمتع بالموجود. ولا تفكر في المفقود فتفقد الموجود.
ثانياً:
تعايش مع الموضوع. ومتفكرش فيه. لان الشيطان مش هيسيبك وهدفه احزانك وتفكر انك عندك حاجة وحشة والدكاترة مش عارفينها.
ثالثا:
القولون العصبي ملوش دوا معين كلها أدوية بتحاول تحور في حركية الجهاز الهضمي وتريح القولون.
س: يعني القولون العصبي ده ملوش علاج؟!
ج: لا طبعاً. مفيش مرض في الدنيا ملوش علاج. قال رسول الله صلى الله عليه وسلم ماجعل الله من داء إلا جعل له دواء علمه من علمه وجهله من جهله إلا الموت. المهم الأخذ بالأسباب والتوكل على الله وحسن الظن بالله والصبر. مع الدعاء. لان الدعاء يرد القضاء وينفع مما نزل وما لم ينزل.
س: والاكل طيب؟ انا موقف كل حاجة.!!
ج: ده غلط. انت طبيب نفسك في الأكل اللي بيتعبك ما تاكلوش. إلا بعض الاكلات مثل السمين والمسكنات والاكل والنوم مباشرة.
ولازم تهدي اعصابك وما تشلش الدنيا فوق دماغك.
س: والأدوية؟
ج: هكتبلك بعض الادوية ان شاء الله هتريحك مع اتباع تعليمات الاكل وتغيير نمط الحياة. وتحاول تحل مشاكلك.
س: يعني اطمن يا دكتور؟
ج: نعم. استعن بالله. ومتفكرش كتير في المرض. فالله عز و جل ابتلاك لتنشغل به لا لتنشغل عنه.
الصبر. الدعاء. الاخذ بالأسباب. الصدقة. لقوله صلى الله عليه وسلم. داووا مرضاكم بالصدقة. وعليك بدعاء اللهم رب الناس اذهب الباس اشف انت الشافي لا شفاء إلا شفاؤك شفاءا لا يغادر سقما.
من صفحة دكتور السيد إمام
Comments
Post a Comment
اكتب تعليق حول الموضوع