حضرت مرة جدال علمى رهيب بين اثنين من اكبر اساتذة السكر فى مصر ا.د محمد خطاب رئيس اقسام الباطنة الاسبق فى القصر العينى وا.د ابراهيم الابراشى رئيس الاقسام الحالى فى القصر العينى والجدال كان عن ازاى تختار دواء سكر مناسب لمريضك من النوع الثانى من السكر واتضح انه مش كله عند العرب صابون وان الموضوع مش كله محصل بعضه ولا اختار الدوا الاغلى ولا الاشهر..

د.خطاب كان رايه انك تختار ال safety اولا يعنى من الاخر الدوا اللى مايدخلش فى هبوط لان تكلفة الهبوط ماديا كبيرا وجسديا ممكن تكون حياة مريضك او عاهة مستديمة بالمخ.

د.الابراشى كان رايه ان ال efficacy او قوة الدوا هى الاهم وانى ممكن المريض ياخد دوا ضعيف مايدخلوش فى هبوط بس ما يقللش السكر ولا يمنع المضاعفات...الصراحة الاثنان عمالقة وكل واحد فيهم كلامه يحترم.

ال ADA وال IDF ودول المنطمتين الاقوى فى السكر فى العالم حددوا اشياء لاختيار الدوا لازم تحطها فى اعتبارك وانت بتختار دوا سكر لمريض النوع التانى...

1.قوة الدوا efficacy يعنى لازم تبقى عارف كل دوا بينزل السكر التراكمى قد ايه يعنى لو مريض سكره التراكمى 13 مايصحش تقولى هاجرب معاه دوا بيقلل التراكمى 1 فى المية لازم تفكر فى تنين زى الانسولين بيقلل التراكمى 3.5 فى المية فااكتر.

2.خطر الهبوط hypoglycemia يعنى مايكونش مريضك عجوز او عنده مشاكل بالقلب وتختار مجموعة بتزود الهبوط زى ال sulphonyl urea وتقول ماعلش اصله رخيص ومتاح انت كدا بتعرض مريضك لخطر الوفاة بسبب هبوط السكر. 

3.زيادة الوزن weight gain لو واحد تخين هاتخاف من الsulphonyl ureaو TZDs وهتفكر فى GLP1agonist و SGLT2 inhibitors بيقللوا الوزن او علي الاقل مايزودش الوزن زي ال DPP4 inhibitors.

4.من النقط الجديدة المضافة في اخر توصيات عالمية انك لازم تقيم هل مريضك عنده مشاكل بالقلب والاوعية الدموية ولا لا لانه لَو عنده يبقي لازم تحط في الاولويات انك تختار مابين دوائين للبداية ال SGLT2 inhibitor خصوصا jardiance او empaglifalozin صاحب الدراسة الساحرة Empa reg او GLP1 agonist زي ال liraglutide او Victoza صاحب الدراسة القوية leader. 

4 .المشاكل المرضية الاخرى زى Hypertensionو ال heart failure ومشاكل الكلى ..ماينفعش TZDs مع عيان heart failureوماينفعش SGLT2 مع مريض ال EGFR بتاعه اقل من 45.

5.الاثار العكسية side effect. زى مشاكل المعدة مع الميتفورمين وزيادة الوزن مع ال sulphonylurea وورم الرجل مع TZDs اللي كمان مش مستحبة في السيدات بعد انقطاع الدورة لانها بتزود احتمالية هشاشة العظام.

6.ثمن الدوا مقدرة المريض بتفرق هاختار دوا brand اصلى ولا generic تقليد نسخة محلية منه.

7.الcompliance يعنى تكيف المريض مع الدوا فى مرصى بينسوا مواعيد الدوا وبيفضل مرة واحدة وكدا لو ينفع يتحقق بدون ضرر لسكره يبقى افضل.

8.تفضيل المريض بس بشرط يكون الدوائين اللى هيختار بينهم بنفس الكفاءة وبعد مأ الطبيب يشرحله قيمة كل دوا patient prefernce.

هو دا ترتيب الاولويات اللى لازم يبقى فى دماغ اى طبيب سكر قبل اختيار دوا السكر.